Hoppa yfir valmynd
HeilbrigðisþjónustaHöfuðborgarsvæðiðLandspítali

Sjúkraliði á öldrunarlækningadeild Landakoti

Sjúkraliði á öldrunarlækningadeild Landakoti

Laust er til umsóknar starf sjúkraliða á öldrunarlækningadeild K-1 Landakoti. Í boði er skemmtilegt starf fyrir þann sem vill taka þátt í meðferð og endurhæfingu aldraðra þar sem markmiðið er að auka lífsgæði og færni til athafna daglegs lífs. Við bjóðum jafnt velkominn reynslubolta sem og nýútskrifaðan sjúkraliða í okkar góða hóp því við teljum gott að hafa breidd í þekkingu og reynslu. Upphaf starfs og starfshlutfall er samkomulag. 

Í boði er góð einstaklingsaðlögun undir leiðsögn reyndra starfsmanna og gott starfsumhverfi. Starfið býður upp á tækifæri til að þróa með sér mikla faglega þekkingu á hjúkrun aldraðra og hæfni í sjálfstæðum vinnubrögðum. 

Deildin er 16 rúma meðferðar- og endurhæfingardeild fyrir lungna- og hjartasjúklinga auk almennrar endurhæfingar aldraðra. Markmiðið er að auka hæfni einstaklingsins til þess að takast á við athafnir daglegs lífs og/ eða auka líkamlega, andlega og félagslega færni þeirra. Við tökum vel á móti nýjum starfsmönnum og veitum góða aðlögun. 

Helstu verkefni og ábyrgð

  • Hjúkrun einstaklinga í samvinnu við aðra fagaðila
  • Þátttaka í endurhæfingu sjúklinga
  • Þátttaka í teymisvinnu

Hæfniskröfur

  • Íslenskt sjúkraliðaleyfi
  • Jákvætt viðhorf og góðir samskiptahæfileikar
  • Faglegur metnaður, frumkvæði í starfi og sjálfstæði í vinnubrögðum
  • Áhugi á hjúkrun aldraðra
  • Hæfni og geta til að starfa í teymi
  • Góð íslenskukunnátta

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Sjúkraliðafélag Íslands hafa gert.

Tekið er mið af jafnréttisstefnu Landspítala við ráðningar á spítalanum. 

Umsókn fylgi náms- og starfsferilskrá ásamt afriti af prófskírteinum og starfsleyfi. Öllum umsóknum verður svarað. 

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. 

Starfsmerkingar: Heilbrigðisþjónusta, Sjúkraliði

Starfshlutfall er 50-100%

Umsóknarfrestur er til og með 28.06.2021

Nánari upplýsingar veitir

Unnur Guðfinna Guðmundsdóttir - [email protected] - 824 4630
Bára Benediktsdóttir - [email protected] - 824 5909

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira