Hoppa yfir valmynd
HeilbrigðisþjónustaHöfuðborgarsvæðiðHeilsugæsla höfuðborgarsvæðisins

Sálfræðingur Geðheilsuteymi HH vestur

Sálfræðingur Geðheilsuteymi HH vestur

Vilt þú verða hluti af okkar frábæra teymi þar sem ánægja starfsfólks með vinnustaðamenningu er í hámarki samkvæmt starfsánægjukönnun?

Heilsugæsla höfuðborgarsvæðisins leitar eftir reyndum sálfræðingi við geðheilsuteymi HH vestur sem er þverfaglegt teymi. Um er að ræða tímabundið 80-100% starf til eins árs með möguleika á framtíðarstarfi.  Æskilegt er að viðkomandi geti hafið störf í september nk. eða eftir nánara samkomulagi.

Við Geðheilsuteymi HH vestur starfa reynslumiklir sálfræðingar, hjúkrunarfræðingar, geðlæknar, notendafulltrúi, félagsráðgjafar, fjölskyldufræðingur, iðjuþjálfi, íþróttafræðingur og þjónustufulltrúar þar sem unnið er í góðri samvinnu að málum þjónustuþega. Unnið er eftir batahugmyndafræði þar sem einstaklingsmiðuð þjónusta ýtir undir styrkleika og bjargráð notenda. 

Helstu verkefni og ábyrgð

  • Viðtöl á starfsstöð eða heimavitjanir
  • Greining og meðferð einstaklinga með geðrænan vanda
  • Vinna í þverfaglegu teymi
  • Fræðsla, ráðgjöf og stuðningur við einstaklinga og aðstandendur
  • Námskeiðshald
  • Samstarf við aðrar stofnanir, úrræði og samtök

Hæfniskröfur

  • Leyfi frá landlækni til að starfa sem sálfræðingur er skilyrði
  • Reynsla af greiningu og meðferð fullorðinna með geðrænan vanda
  • Þekking og reynsla af gagnreyndri meðferð s.s. hugrænni atferlismeðferð
  • Þekking og reynsla af áfallavinnu æskileg
  • þekking og reynsla á EMDR meðferð æskileg
  • Þekking og reynsla af díalektískri meðferð æskileg
  • Hæfni og áhugi á teymis- og verkefnavinnu
  • Góð samskiptahæfni og jákvætt viðhorf
  • Faglegur metnaður og ábyrgð í starfi
  • Sjálfstæði, frumkvæði og lausnamiðuð nálgun
  • Góð íslenskukunnátta er nauðsynleg
  • Góð almenn tölvukunnátta

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Sálfræðingafélag Íslands hafa gert.

Umsókn skal fylgja ítarleg náms- og starfsferilskrá og kynningarbréf þar sem gerð er grein fyrir ástæðu umsóknar. Leggja skal fram staðfestar upplýsingar um menntun, fyrri störf og reynslu. 

Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt skulu berast Svövu Þorkelsdóttur, framkvæmdarstjóra mannauðs og nýliðunar Heilsugæslu höfuðborgarsvæðisins, Álfabakka 16, 109 Reykjavík.

Tekið er mið af jafnréttis- og mannréttindarstefnu Heilsugæslu höfuðborgarsvæðisins við ráðningu í starfið. Öllum umsóknum verður svarað þegar ákvörðun um ráðningu liggur fyrir. Umsókn getur gilt í 6 mánuði.

Starfshlutfall er 80-100%

Umsóknarfrestur er til og með 28.06.2021

Nánari upplýsingar veitir

Hrönn Harðardóttir - [email protected] - 513 6360
Liv Anna Gunnell - [email protected] - 513-5000

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira