Hoppa yfir valmynd
SérfræðistörfHöfuðborgarsvæðið

Sérfræðingur í notendalausnum

Sérfræðingur í notendalausnum

Veðurstofa Íslands leitar eftir drífandi og framsýnum einstaklingi í stöðu sérfræðings í upplýsingatækni. Leitað er eftir aðila sem hefur góðan tæknilegan bakgrunn, getur sinnt almennri tækniþjónustu og unnið eftir verklagi í ISO vottuðu umhverfi. Viðkomandi mun starfa á Upplýsingatæknisviði Veðurstofu Íslands. 

Hlutverk Veðurstofu Íslands er að stuðla að bættu öryggi almennings, eigna og innviða gagnvart öflum náttúrunnar, jafnframt því að styðja sjálfbæra nýtingu náttúrunnar og samfélagslega hagkvæmni. Því hlutverki sinnir starfsfólk Veðurstofunnar með vöktun lofts, láðs og lagar, byggðri á öflun, varðveislu og greiningu gagna, rannsóknum, þróun og miðlun upplýsinga.  

Veðurstofa Íslands er opinber stofnun sem heyrir undir umhverfis- og auðlindaráðuneytið. Á Veðurstofunni starfa um 150 manns með fjölbreytta menntun og starfsreynslu sem spannar mörg fræðasvið. Auk þess starfa um 70 manns við athugana-og eftirlitsstörf víðsvegar um landið.  Nánari upplýsingar um stofnunina má finna á heimasíðu hennar www.vedur.is

 

Helstu verkefni og ábyrgð

Að vera notendum tölvukerfa Veðurstofunnar til aðstoðar og ráðgjafar í daglegri notkun þeirra á notendabúnaði. Þar má helst nefna:

  • Almenn þjónusta við starfsstöðvar, s.s. símtæki, tölvur og búnað tengdan þeim
  • Fjarskiptaþjónusta, þ.e. farsímar og heimanettengingar starfsmanna, sem og VPN-aðgangsstýringar
  • Rekstur og þjónusta við prentara, prentkerfa og skanna
  • Rekstur og þjónusta vegna óværuvarna og -kerfa
  • Umsjón tölvubúnaðar í fundarsölum

Hæfniskröfur

  • Menntun sem nýtist í starfi, s.s. á sviði kerfisstjórnunar og /eða reynsla á sviði kerfisstjórnunar
  • Þekking og farsæl reynsla af notendaþjónustu s.s. góð þekking á Office 365 eða Linux
  • Frumkvæði í starfi, lausnamiðuð hugsun og metnaður til að læra nýja tækni.
  • Framúrskarandi þjónustulund, samskipta- og samstarfsfærni
  • Nákvæmni í vinnubrögðum
  • Sjálfstæði í starfi
  • Hæfni til að miðla upplýsingum

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Gildi Veðurstofu Íslands eru Þekking, áreiðanleiki, samvinna og framsækni. Ráðningar hjá stofnuninni taka mið af þessum gildum.

Umsókninni þarf að fylgja starfsferilskrá þar sem farið er yfir reynslu og hæfni viðkomandi.

Æskilegt er að viðkomandi geti hafið störf sem fyrst.

 

 

Starfshlutfall er 100%

Umsóknarfrestur er til og með 21.06.2021

Nánari upplýsingar veitir

Lára Björk Erlingsdóttir - [email protected]
Þóra Kristín Ómarsdóttir - [email protected]

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira