Hoppa yfir valmynd
TæknistörfHöfuðborgarsvæðið

Umsjónarmanns HVER tilraunaseturs Verkfræði- og náttúruvísindasviðs HÍ

Umsjónarmanns HVER tilraunaseturs Verkfræði- og náttúruvísindasviðs HÍ

Laust er til umsóknar starf umsjónarmanns HVER tilraunaseturs Verkfræði- og náttúruvísindasviðs Háskóla Íslands.

Helstu verkefni og ábyrgð

Starfið felur í sér umsjón með HVER tilraunasetri VoN þar sem framkvæmdar eru tilraunir og prófanir á sviði orku-, efnis-, efna- og náttúruvísinda,  undirbúning sýna og efnagreiningar, umsjón með háhita og háþrýstitilraunabúnaði, umsjón með öryggismálum á rannsóknarstofum og aðstoð og þjálfun framhaldsnema og starfsfólks. Ráðið verður í starfið til tveggja ára.

Hæfniskröfur

  • BS gráða í verkfræði, tæknifræði og/eða náttúruvísindum eða sambærileg menntun.
  • Reynsla af vinnu á rannsóknarstofu og með rannsóknartæki
  • Sjálfstæði í vinnubrögðum og afbragðs skipulagshæfni
  • Góð enskukunnátta í ræðu og riti
  • Góð samskiptahæfni og lipurð í mannlegum samskiptum

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Gert er ráð fyrir að viðkomandi hefji störf sem fyrst.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2

Vakin er athygli á málstefnu Háskóla Íslands, sjá hér: 

https://www.hi.is/haskolinn/malstefna_haskola_islands.

Háskóli Íslands er gróskumikið þekkingarsamfélag og er fjölbreyttur og lifandi vinnustaður. Akademískt frelsi, fagmennska og jafnrétti eru gildi skólans og er mikið lagt upp úr sveigjanleika og þátttöku starfsmanna í uppbygginu náms og rannsókna við skólann.

Á Verkfræði- og náttúruvísindasviði starfa um 390 manns við rannsóknir og kennslu á sviði verkfræði og náttúruvísinda. Starfsumhverfið er alþjóðlegt enda eykst sífellt hlutfall erlendra starfsmanna og nemenda við sviðið, en fjórðungur bæði starfsmanna og framhaldsnema eru erlendir. Á sviðinu eru um 2000 nemendur og fjölmargir framhaldsnemar. Verkfræði- og náttúruvísindasvið stærir sig af fjölbreytileika og umbótasinnuðu umhverfi þar sem þekkingaröflun og miðlun er í fyrirrúmi. 

Starfshlutfall er 100%

Umsóknarfrestur er til og með 03.08.2021

Nánari upplýsingar veitir

Andri Stefánsson - [email protected]
Sigrún Nanna Karlsdóttir - [email protected]

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira