Hoppa yfir valmynd
Kennsla og rannsóknirHöfuðborgarsvæðið

Nýdoktor í stærðfræði

Nýdoktor í stærðfræði

Laust er til umsóknar starf nýdoktors við stærðfræðistofu Raunvísindastofnunar Háskólans. Nýdoktornum, sem starfið hlýtur, er ætlað að stunda rannsóknir á sviði stærðfræði, hreinnar eða hagnýtrar, eða stærðfræðilegrar eðlisfræði.

Helstu verkefni og ábyrgð

Stærðfræðistofa Raunvísindastofnunnar er rannsóknavettvangur stærðfræðinga við Háskóla Íslands og eru þar stundaðar rannsóknir á ýmsum sviðum hreinnar og hagnýttrar stærðfræði, stærðfræðilegri eðlisfræði og tölfræði.  Starfsmenn Stærðfræðistofu annast einnig kennslu í grunn- og framhaldsnámi jafnframt því að vera leiðbeinendur í rannsóknatengdu námi. 

Hæfniskröfur

  • Umsækjandi skal hafa lokið doktorsprófi í stærðfræði eða stærðfræðilegri eðlisfræði þegar hann hefur störf. Æskilegt er að ekki hafi liðið lengri tími en fimm ár frá því umsækjandi lauk doktorsprófi þegar tekið er við starfinu.
  • Góð samstarfshæfni og lipurð í mannlegum samskiptum.
  • Góð enskukunnátta í töluðu og rituðu máli.

Tekið verður tillit til hversu vel rannsóknir umækjanda falla að áherslusviðum stofunnar í rannsóknum í stærðfræði eða stærðfræðilegri eðlisfræði. (Sjá math.hi.is).

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Ráðið verður til tveggja ára frá og með 1. janúar 2022 eða samkvæmt samkomulagi. Til greina kemur að ráða í tvö störf byggt á þessari auglýsingu.

Umsækjendur skulu láta fylgja umsókn sinni:

  • Vottorð um námsferil sinn og störf
  • Akademíska ferilskrá (Curriculum Vitae)
  • Ritaskrá
  • Skýrslu um vísindastörf og önnur störf sem þeir hafa unnið
  • Greinargerð um rannsóknaráform ef til ráðningar kemur
  • Ef það á við, lýsingu á líklegu samstarfi við aðra innan Háskóla Íslands.
  • Allt að fimm helstu ritverk sín með umsókn, eða tilvísanir í, hvar þau eru aðgengileg á rafrænu formi.  

Umsækjandi þarf að sjá til þess að 2-3 dómbærir aðilar sendi inn umsagnir um rannsóknir umsækjanda og önnur störf.

Nánari upplýsingar um starfið veitir: Nánari upplýsingar veitir forstöðumaður stærðfræðistofu Gunnar Stefánsson, prófessor, netfang: [email protected]

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir verða geymdar í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

Háskóli Íslands er framsækin vísinda- og fræðslustofnun sem nýtur alþjóðlegrar viðurkenningar.  Við Háskóla Íslands eru yfir 14.000 nemendur og um það bil 1.300 fastráðnir starfsmenn. Verkfræði- og náttúruvísindasvið er eitt fimm fræðasviða skólans.  Við sviðið er boðið upp á grunn- og framhaldsnám í öllum helstu greinum verkfræði og náttúruvísinda. Raunvísindastofnun Háskólans er vettvangur rannsókna í stærðfræði, eðlisfræði, efnafræði og jarðvísindum. 

Á Verkfræði- og náttúruvísindasviði starfa 360 manns við rannsóknir og kennslu á sviði verkfræði og náttúruvísinda. Starfsumhverfið er alþjóðlegt enda eykst sífellt hlutfall erlendra starfsmanna og nemenda við sviðið, en fjórðungur bæði starfsmanna og framhaldsnema eru erlendir. Nemendur Verkfræði- og náttúruvísindasviðs eru um 2300 talsins í sex deildum. Þar af eru 350 í meistaranámi og 150 í doktorsnámi. Rannsóknarstofnanir sviðsins eru Jarðvísindastofnun og Eðlisvísindastofnun sem tilheyra báðar Raunvísindastofnun, Líf- og umhverfisvísindastofnun, Verkfræðistofnun og Stofnun Sæmundar fróða sem er þverfræðileg stofnun og heyrir undir öll fræðasvið háskólans. 

Háskóli Íslands er stærsta kennslu-, rannsókna- og vísindastofnun Íslands og er í hópi 250 bestu háskóla heims samkvæmt nýjum matslista Times Higher Education.

Nánari upplýsingar um starfið veitir: Nánari upplýsingar veitir forstöðumaður stærðfræðistofu Gunnar Stefánsson, prófessor, netfang: [email protected]

Starfshlutfall er 100%

Umsóknarfrestur er til og með 15.09.2021

Nánari upplýsingar veitir

Íris Davíðsdóttir - [email protected]

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira