Hoppa yfir valmynd
HeilbrigðisþjónustaHöfuðborgarsvæðiðLandspítali

Sérfræðilæknir í öldrunarlækningum

Sérfræðilæknir í öldrunarlækningum

Starf sérfræðilæknis í öldrunarlækningum við Landspítala er laust til umsóknar. Starfshlutfall er 100% og veitist starfið frá 1. september 2021 eða eftir samkomulagi.

Öldrunarlækningar skiptast í bráðaöldrunarlækningar, heilabilunareiningu, almennar öldrunarlækningar og dag-, göngu-, og samfélagsþjónustu. Áhersla er lögð á virka teymisvinnu, góða þjónustu og umbætur í þágu sjúklinga. Einnig taka öldrunarlæknar þátt í menntun lækna, allt frá læknanemum til sérnámslækna.

Helstu verkefni og ábyrgð

  • Vinna á legu-, dag- og göngu- og samfélagsþjónustudeild eða öðrum verkefnum deildarinnar ásamt vaktþjónustu við öldrunarlækningadeild Landspítala
  • Vinna við samráðskvaðningar við aðrar deildir Landspítala
  • Þátttaka í menntun og vísindavinnu í samvinnu við yfirlækni

Hæfniskröfur

  • Íslenskt sérfræðileyfi í öldrunarlækningum eða almennum lyflækningum og öldrunarlækningar sem undirsérgrein
  • Jákvætt viðhorf, frumkvæði og samskiptahæfileikar
  • Sjálfstæði og skipulögð vinnubrögðum
  • Faglegur metnaður og leiðtogahæfni
  • Hæfni og geta til að starfa í teymi

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Fullt starf er bundið við sjúkrahúsið eingöngu sbr. grein 3.2.4 í gildandi kjarasamningi lækna og ríkisins. Tekið er mið af jafnréttisstefnu Landspítala við ráðningar á spítalanum. 

Í umsóknarformið skal skrá inn upplýsingar um: 
» Fyrri störf, menntun og hæfni
» Félagsstörf og umsagnaraðila

 Nauðsynleg fylgiskjöl: 
» Vottað afrit af prófskírteinum og starfsleyfum. 
» Ferilskrá þar sem tilgreind er reynsla af kennslu, vísindavinnu og stjórnunarstörfum. 
» Yfirlit yfir birtar ritrýndar vísindagreinar sem umsækjandi er höfundur að. Umsækjandi skal annaðhvort setja upp Google Scholar aðgang og senda vefslóð að síðunni eða senda staðfestingu á birtum greinum á PubMed. 
» Kynningarbréf með rökstuðningi fyrir hæfni og sýn á starfið. 
» Afrit af umsókn um læknisstöðu hjá Embætti Landlæknis skal fylgja með umsókn. Umsækjandi sækir skjalið hér og vistar, fyllir það út og sendir með umsókn. 

Viðtöl verða höfð við umsækjendur og byggist ákvörðun um ráðningu í starfið á þeim og innsendum gögnum. Öllum umsóknum verður svarað.

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfsmerkingar: Heilbrigðisþjónusta, Sérfræðilæknir

Starfshlutfall er 100%

Umsóknarfrestur er til og með 03.08.2021

Nánari upplýsingar veitir

Guðný Valgeirsdóttir - [email protected] - 824 6029
Pálmi V Jónsson - [email protected] - 824 5615

Umsókn um læknisstöðu - umsóknareyðublað Embættis landlæknis

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira