Hoppa yfir valmynd
Kennsla og rannsóknirHöfuðborgarsvæðið

Sérfræðingur í rafmagns- og tölvuverkfræði

Sérfræðingur í rafmagns- og tölvuverkfræði

Laust er til umsóknar starf sérfræðings við rafmagns- og tölvuverkfræðideild á Verkfræði- og náttúruvísindasviði Háskóla Íslands.

Helstu verkefni og ábyrgð

Helstu verkefni sérfræðings eru að bera ábyrgð á aðstöðu og tækjabúnaði deildarinnar til verklegra æfinga, bæði í kennslu og til rannsókna, og bera ábyrgð á umgengni og aðgengi bæði starfsmanna og nemenda að aðstöðu og tækjabúnaði. Viðkomandi sér einnig um þjálfun starfsmanna og nemenda í notkun tækja og búnaðar og ber ábyrgð á þróun aðstöðu og tækjabúnaðar deildarinnar. Þá felst í starfinu kennsla og rannsóknir á sviði fjarskipta og mælitækni innan deildarinnar, bæði sjálfstæðar rannsóknir og í samstarfi við aðra, öflun rannsóknartekna til tækjakaupa og rannsóknarverkefna. 

Hæfniskröfur

  • Meistarapróf á sviði rafmagnsverkfræði ásamt þekkingu og reynslu í samræmi við alþjóðleg viðmið fyrir viðkomandi starfsheiti á fræðasviðinu, staðfest með áliti dómnefndar eða með doktorspróf frá viðurkenndum háskóla.
  • Starfsreynsla sem verkfræðingur sem nýtist til kennslu og við þjálfun nemenda í notkun tækjabúnaðar og aðstöðu er kostur.
  • Reynsla af kennslu á háskólastigi. Viðbótarmenntun á sviði kennslu er kostur..
  • Virkni og hæfni í rannsóknum á fræðasviðinu.
  • Hæfni í mannlegum samskiptum ásamt góðri hæfni til að miðla þekkingu.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Umsókn skal fylgja:

  1. Vottorð um námsferil og fyrri störf
  2. Akademísk ferilskrá (Curriculum Vitae)
  3. Ritaskrá
  4. Skýrsla um vísindastörf og önnur störf
  5. Greinargerð um rannsóknaráform ef við á
  6. Umsagnir 2-3 dómbærra manna um rannsóknir og önnur störf

 

Í umsókn skal koma fram hvert ritverka sinna (allt að fimm talsins) umsækjandi telur veigamest með tilliti til þess starfs sem um ræðir. Umsækjandi sendir eingöngu þessi ritverk sín með umsókn, eða vísar til þess hvar þau eru aðgengileg á rafrænu formi. Þegar fleiri en einn höfundur stendur að innsendu ritverki skulu umsækjendur gera grein fyrir framlagi sínu til verksins. Enn fremur er ætlast til þess að umsækjendur láti fylgja með umsagnir um stjórnunarstörf sín eftir því sem við á.

Ráðið verður í starfið til fimm ára með möguleika á ótímabundinni ráðningu að þeim tíma liðnum sbr. 3. mgr. 31. gr. reglna fyrir Háskóla Íslands nr. 569/2009. Miðað er við að ráðið verði í starfið frá 1. október 2021, eða samkvæmt nánara samkomulagi, þó ekki fyrr en lokið er störfum þeirra nefnda sem um ráðninguna fjalla.

Um meðferð umsókna, mat á hæfi umsækjenda og ráðningu í starfið er farið eftir ákvæðum laga um opinbera háskóla nr. 85/2008 og reglna fyrir Háskóla Íslands nr. 569/2009. Samkvæmt 38. gr. reglnanna er rektor heimilt að veita framgang í starf fræðimanns eða vísindamanns við nýráðningu uppfylli viðkomandi þau skilyrði.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

Háskóli Íslands er gróskumikið þekkingarsamfélag og er fjölbreyttur og lifandi vinnustaður. Akademískt frelsi, fagmennska og jafnrétti eru gildi skólans og er mikið lagt upp úr sveigjanleika og þátttöku starfsmanna í uppbygginu náms og rannsókna við skólann.

Á Verkfræði- og náttúruvísindasviði starfa um 390 manns við rannsóknir og kennslu á sviði verkfræði og náttúruvísinda. Starfsumhverfið er alþjóðlegt enda eykst sífellt hlutfall erlendra starfsmanna og nemenda við sviðið, en fjórðungur bæði starfsmanna og framhaldsnema eru erlendir. Á sviðinu eru um 2000 nemendur og fjölmargir framhaldsnemar. Verkfræði- og náttúruvísindasvið stærir sig af fjölbreytileika og umbótasinnuðu umhverfi þar sem þekkingaröflun og miðlun er í fyrirrúmi. 

Starfshlutfall er 100%

Umsóknarfrestur er til og með 09.08.2021

Nánari upplýsingar veitir

Magnús Örn Úlfarsson - [email protected]

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira