Hoppa yfir valmynd
SkrifstofustörfHöfuðborgarsvæðið

Verkefnisstjóri meistaranáms, Nemendaþjónusta Verkfræði- og náttúruvísindasviðs, Háskóli Íslands

Verkefnisstjóri meistaranáms, Nemendaþjónusta Verkfræði- og náttúruvísindasviðs, Háskóli Íslands

Verkfræði- og náttúruvísindasvið Háskóla Íslands óskar eftir að ráða verkefnisstjóra meistaranáms í Nemendaþjónustu. Um fullt starf er að ræða.

Hlutverk nemendaþjónustunnar er að aðstoða nemendur og kennara sviðsins. Starfsfólk hennar hefur þekkingu og áhuga á kennslumálum verkfræði- og náttúruvísinda og notar aðferðir gæða- og verkefnastjórnunar í sínum störfum. Starfsemin er fjölbreytt og spennandi og krefst skipulagshæfni og leikni í mannlegum samskiptum. Verkefnisstjóri meistaranáms hefur umsjón með meistaranámi og vinnur náið með öðrum verkefnastjórum á sviðinu. 

Helstu verkefni og ábyrgð

  • Umsjón með meistaranámi á sviðinu
  • Þjónusta og upplýsingamiðlun í tengslum við meistaranám
  • Umsjón með umsóknum og námsferlum nemenda í framhaldsnámi
  • Upplýsingamiðlun og ráðgjöf til kennara 
  • Upplýsingamiðlun og aðstoð vegna heimsókna erlendra aðila
  • Þátttaka í skipulagningu náms á framhaldsstigi og kennsluskrárgerð
  • Þróun verkferla í framhaldsnámi
  • Umsjón með nemendatengdum viðburðum í framhaldsnámi
  • Þátttaka í tilfallandi verkefnum á sviðinu

Hæfniskröfur

  • Háskólapróf sem nýtist í starfi
  • Gott vald á upplýsingatækni og hæfni til að tileinka sér nýjungar á því sviði
  • Þjónustulund, afbragðs samstarfshæfni og lipurð í mannlegum samskiptum
  • Góð íslensku- og enskukunnátta í ræðu og riti
  • Skipulagsfærni, góð yfirsýn  og frumkvæði í starfi  
  • Reynsla og/eða þekking af verkefnastjórnun er kostur

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Umsókn skal fylgja ferilskrá, kynningarbréf og staðfest afrit af prófskírteini.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2

Vakin er athygli á málstefnu Háskóla Íslands, sjá hér: http://www.hi.is/haskolinn/malstefna_haskola_islands

Háskóli Íslands er gróskumikið þekkingarsamfélag og er fjölbreyttur og lifandi vinnustaður. Akademískt frelsi, fagmennska og jafnrétti eru gildi skólans og er mikið lagt upp úr sveigjanleika og þátttöku starfsmanna í uppbygginu náms og rannsókna við skólann.

Á Verkfræði- og náttúruvísindasviði starfa um 390 manns við rannsóknir og kennslu á sviði verkfræði og náttúruvísinda. Starfsumhverfið er alþjóðlegt enda eykst sífellt hlutfall erlendra starfsmanna og nemenda við sviðið, en fjórðungur bæði starfsmanna og framhaldsnema eru erlendir. Á sviðinu eru um 2000 nemendur og fjölmargir framhaldsnemar. Verkfræði- og náttúruvísindasvið stærir sig af fjölbreytileika og umbótasinnuðu umhverfi þar sem þekkingaröflun og miðlun er í fyrirrúmi. 

Starfshlutfall er 100%

Umsóknarfrestur er til og með 03.08.2021

Nánari upplýsingar veitir

Sigdís Ágústsdóttir - [email protected] - 5255167

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira