Hoppa yfir valmynd
Önnur störfHöfuðborgarsvæðiðLandspítali

Aðstoðardeildarstjóri hjúkrunar - Bráðageðdeild 32C

Aðstoðardeildarstjóri hjúkrunar - Bráðageðdeild 32C

Bráðageðdeild 32C við Hringbraut vill ráða aðstoðardeildarstjóra í fullt starf frá 1. september 2021 eða eftir nánara samkomulagi. Á deildinni er veitt sérhæfð þjónusta í meðferð og umönnun einstaklinga með bráð geðræn einkenni vegna geðraskana. Gagnreynd þekking, viðurkenndir verkferlar og hugmyndafræði um geðgjörgæslu eru í fyrirrúmi. 

Á deildinni starfa um 50 starfsmenn í þverfaglegu teymi. Vinnuandinn einkennist af samvinnu, lipurð, stuðningi, metnaði og góðum liðsanda. Tækifæri til sérhæfingar eru mörg og því spennandi vettvangur fyrir hjúkrunarfræðing sem hefur áhuga á að dýpka þekkingu sína í geðhjúkrun.

Helstu verkefni og ábyrgð

  • Ábyrgð á rekstri og mönnun deildar í fjarveru hjúkrunardeildarstjóra 
  • Er leiðandi í klínísku starfi og framþróun hjúkrunar
  • Stuðlar að hvetjandi og jákvæðu starfsumhverfi og stöðugri liðsheild
  • Skipuleggur og stjórnar daglegri starfsemi deildar í samráði við hjúkrunardeildarstjóra 
  • Þátttaka í uppbyggingu á þverfaglegri teymisvinnu

Hæfniskröfur

  • Íslenskt hjúkrunarleyfi 
  • Framúrskarandi samskiptahæfni og geta til að vinna undir álagi
  • Faglegur metnaður og ábyrgði í starfi 
  • Áhugi á geðhjúkrun og hjúkrunarstjórnun er skilyrði
  • Áhugi á þverfaglegu samstarfi og teymisvinnu er skilyrði
  • Reynsla af geðhjúkrun og hjúkrunarstjórnun er æskileg

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Tekið er mið af jafnréttisstefnu Landspítala við ráðningar á spítalanum. 

Umsókn fylgi náms- og starfsferilskrá ásamt afriti af prófskírteinum og starfsleyfi auk kynningarbréfs. 
Ákvörðun um ráðningu byggist á innsendum gögnum og viðtölum. Öllum umsóknum verður svarað. 

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. 

Starfsmerkingar: Heilbrigðisþjónusta, aðstoðardeildarstjóri hjúkrun, hjúkrunarfræðingur 

Starfshlutfall er 100%

Umsóknarfrestur er til og með 10.08.2021

Nánari upplýsingar veitir

Jóhanna Guðmunda Þórisdóttir - [email protected] - 825 1507
Sigríður Edda Hafberg - [email protected] - 543 4453

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira