Hoppa yfir valmynd
HeilbrigðisþjónustaHöfuðborgarsvæðiðLandspítali

Verkefnastjóri/ aðstoðarmaður deildarstjóra

Verkefnastjóri/ aðstoðarmaður deildarstjóra

Við viljum fjölga í okkar góða hóp á öryggisgeðdeild og réttargeðdeild og auglýsum eftir tveimur öflugum liðsmönnum í fjölbreytt, krefjandi og skapandi störf á frábærum vinnustað. Verkefnastjóri vinnur náið með deildarstjóra hjúkrunar og fagteymi deildanna. Helstu verkefni snúa að vinnuskipulagi og vaktakerfi, umbótaverkefnum og breytingastjórnun, samskiptum og samhæfingu. Unnið er í dagvinnu og er upphafsdagur starfa samkomulag en æskilegt er að umsækjandi geti hafið störf ekki seinna en í nóvember 2021. 

Öryggisgeðdeildin er átta rúma og sinnir sérhæfðri meðferð og endurhæfingu sjúklinga með alvarlegar geðraskanir. Réttargeðdeildin er 8 rúma deild sem veitir sérhæfða meðferð og umönnun einstaklinga sem hafa verið dæmdir ósakhæfir samkvæmt 15. gr hegningarlaga. 

Meðferðarnálgun deildanna er fjölþætt og ræðst af þörfum og getu hvers og eins sjúklings. Meginmarkmið meðferðarinnar er að sjúklingar fái þá meðferð og endurhæfingu sem er nauðsynleg til þess að þeir geti komist aftur út í samfélagið. Starfsemi deildanna er í mikilli þróun og áhersla á umbótastarf er því mikil þar sem sjúklingar og aðstandendur þeirra eru í öndvegi. Áhersla er lögð á fagmennsku, öryggi og umhyggju.

Vinnuvika starfsfólks í fullri dagvinnu er nú 36 stundir. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf. 

Helstu verkefni og ábyrgð

  • Umsjón með vaktaskipulagi og vinnustund
  • Ýmis sérhæfð verkefni sem tengjast umbótaverkefnum, breytingastjórnun, samskiptum og samhæfingu
  • Ritun og úrvinnsla fundargerða og annarra gagna sem tengjast starfseminni
  • Umsjón með sjúklingabókhaldi
  • Ritstjórn og umsjón með mikilvægum gögnum
  • Skipulagning funda og viðburða

Hæfniskröfur

  • Háskólamenntun sem nýtist í starfi 
  • Framúrskarandi samskiptahæfni og góður liðsmaður
  • Hæfni og áhugi á að starfa í teymi
  • Sjálfstæði í vinnubrögðum, frumkvæði, jákvæðni og sveigjanleiki 
  • Reynsla eða menntun í verkefnastjórnun æskileg
  • Afburðarfærni í íslensku og ensku, bæði mæltu og rituðu máli
  • Góð víðtæk tölvukunnátta

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Tekið er mið af jafnréttisstefnu Landspítala við ráðningar á spítalanum. 

Umsókn fylgi náms- og starfsferilskrá auk kynningarbréfs. Ákvörðun um ráðningu í starfið byggist á faglegu og stöðluðu matsferli. Öllum umsóknum verður svarað.

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, verkefnastjóri 

Starfshlutfall er 80-100%

Umsóknarfrestur er til og með 27.09.2021

Nánari upplýsingar veitir

Eyrún Thorstensen - [email protected] - 824 5419
Sigríður Edda Hafberg - [email protected] - 543 4453

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira