Hoppa yfir valmynd
Kennsla og rannsóknirHöfuðborgarsvæðið

Doktorsnemi við rannsóknir á áhrifum umritunar á frumusérhæfingu

Doktorsnemi við rannsóknir á áhrifum umritunar á frumusérhæfingu

Laust er til umsagnar fullt starf  doktorsnema við rannsóknir á sameindaferlum og stjórnun umritunar í stofnfrumum úr fósturvísum músa við Lífvísindasetur Háskóla Íslands. Áætlað er að verkefnið hefjist eigi síðar en í janúar 2022. 

Helstu verkefni og ábyrgð

Verkefnið er styrkt til þriggja ára af Rannsóknasjóði Vísinda- og tækniráðs og verður unnið við Lífvísindasetur (http://lifvisindi.hi.is) innan Læknadeildar Háskóla Íslands. Jafnframt mun neminn vera tengdur við Námsbraut í sameindalífvísindum við Háskóla Íslands. Við Námsbrautina er boðið upp á sameiginlegt framhaldsnám á milli rannsóknarstofa við Háskóla Íslands og stofnanir tengdum honum. Aðalmarkmið námsbrautarinnar er að skapa lifandi og þverfaglegt námsumhverfi jafnframt því að efla rannsóknir og nám í sameindalíffræði. Námsbrautin býður upp á tækifæri í rannsóknum og menntun í örvandi umhverfi fyrir nemendur sem vinna að meistara- eða doktorsgráðu. 

Doktorsnemastaðan 

Neminn mun rannsaka stjórnun umritunar við frumusérhæfingu, með það að markmiði að varpa ljósi á sameindaferla þá sem stjórna frumusérhæfingu á frumfóstursskeiði með áherslu á ákvörðun frumkímfruma.  Rannsóknarnálgunin mun felast í sérhæfingu frumkímfruma úr stofnfrumum úr fósturvísum músa auk heilerfðamengisgreiningar og massagreiningar í kjölfar litnismótefnafellingar. Auk þess verður notast við hefðbundnari sameindalíffræðilegar-, lífefnafræðilegar- og frumulíffræðilegar aðferðir auk CRISPR-Cas9 erfðabreytingartækninnar. Erna Magnúsdóttir, dósent við Læknadeild verður leiðbeinandi í þessu verkefni. Heimasíðu rannsóknarhópsins má finna á http://magnuslab.is/

 

 

Hæfniskröfur

  • M.S. próf í lífefnafræði, sameindalífvísindum eða skyldum greinum.
  • Haldbær reynsla af sjálfstæðum vísindastörfum á rannsóknastofu með lífefnafræði-, sameindalíffræði- og frumulíffræðilegum aðferðum.
  • Færni og reynsla í vinnu við frumuræktir spendýrafruma
  • Góð tölvufærni er æskileg.
  • Góð enskukunnátta bæði töluð og rituð.
  • Umsækjendur verða að geta unnið sjálfstætt og hafa góða samskiptafærni.

 

Umsækjandi skal uppfylla skilyrði til innritunar í doktorsnám og sá eða sú sem verður fyrir valinu, þarf að sækja formlega um skráningu í doktorsnám og fá umsókn sína samþykkta áður en starf getur hafist.  

 

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Fylgigögn með umsókn:

  • Kynningarbréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess
  • Staðfest afrit af prófskírteinum bæði í grunn- og meistaranámi ásamt einkunnadreifingu
  • Ferilskrá sem tilgreinir upplýsingar um vísindastörf ásamt ritaskrá
  • Upplýsingar um umsagnaraðila

 

Umsækjendum er einnig boðið að senda PDF útgáfu af meistararitgerð sinni (á hvaða tungumáli sem er), sem og aðrar birtingar sem við eiga (að hámarki þó 5 skjöl). 

 

Aðeins fullkláraðar umsóknir munu koma til greina.

 

 

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests. 

 

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2. 

 

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

 

Heilbrigðisvísindasvið er eitt af fimm fræðasviðum Háskóla Íslands. Innan sviðsins eru sex deildir; Hjúkrunarfræðideild, Lyfjafræðideild, Læknadeild, Matvæla- og næringarfræðideild, Sálfræðideild og Tannlæknadeild. Starfsmenn sviðsins eru um 300 og nemendur um 2200.

 

Háskóli Íslands er stærsta kennslu-, rannsókna- og vísindastofnun Íslands og eini skólinn hérlendis sem er á báðum virtustu matslistunum yfir bestu háskóla heims, Times Higher Education World University Rankings og Shanghai Ranking.

 

Starfshlutfall er 100%

Umsóknarfrestur er til og með 16.08.2021

Nánari upplýsingar veitir

Erna Magnúsdóttir - [email protected]

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira