Hoppa yfir valmynd
HeilbrigðisþjónustaHöfuðborgarsvæðiðLandspítali

Hjúkrunarfræðingur á dag- og göngudeild Hjartagáttar við Hringbraut

Hjúkrunarfræðingur á dag- og göngudeild Hjartagáttar við Hringbraut

Við leitum eftir öflugum hjúkrunarfræðingi sem  hefur áhuga  á að vinna á frábærri lítilli einingu. Á Hjartagátt starfar um 30 manna samheldinn hópur. Á deildinni er veitt þjónusta við hjartasjúklinga sem þurfa að undirgangast inngrip eins og hjartaþræðingar, gangráðsísetningar, brennsluaðgerðir, rafvendingar og fleira. 

Hjartagáttinni tilheyra þrjár sérhæfðar þverfaglegar göngudeildir. Hjartagátt er dag- og göngudeild og er opin 7:30 - 20:00 alla virka daga. Starfið er laust 1. september 2021 eða eftir samkomulagi. 

Á Hjartagátt er tækifæri til að öðlast mikla reynslu og þekkingu á hjartasjúkdómum, s.s. kransæðasjúkdómi, hjartabilun og takttruflunum. Mikil samvinna er við legudeild hjartalækninga (14E/G) og hjartaþræðingadeild. Möguleikar eru á þróun í starfi, ekki síst í formi spennandi fræðslu, námskeiða og ráðstefna. Einnig er fagráð hjartahjúkrunar mjög öflugt.

Helstu verkefni og ábyrgð

  • Undirbúa sjúklinga fyrir aðgerð og eftirlit með sjúklingum eftir aðgerð
  • Ákveða, skipuleggja og veita hjúkrunarmeðferð 
  • Vera virkur þátttakandi í þróun og uppbyggingu verkefna á deild
  • Fylgjast með nýjungum í hjartahjúkrun
  • Þátttaka í þverfaglegri teymisvinnu

Hæfniskröfur

  • Íslenskt hjúkrunarleyfi
  • Sjálfstæð og skipulögð vinnubrögð
  • Faglegur metnaður
  • Góð samskiptahæfni og hæfni til að starfa í teymi 

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Tekið er mið af jafnréttisstefnu Landspítala við ráðningar á spítalanum. 

Umsókn fylgi náms- og starfsferilskrá ásamt afriti af prófskírteinum og starfsleyfi. 
Ákvörðun um ráðningu byggist á innsendum gögnum og viðtölum. Öllum umsóknum verður svarað. 

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. 

Starfsmerkingar: Heilbrigðisþjónusta, hjúkrunarfræðingur 

Starfshlutfall er 70-100%

Umsóknarfrestur er til og með 26.07.2021

Nánari upplýsingar veitir

Valdís Anna Garðarsdóttir - [email protected] - 825 9320
Ólína Björg Einarsdóttir - [email protected] - 695 8424

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira