Hoppa yfir valmynd
HeilbrigðisþjónustaHöfuðborgarsvæðið

Aðstoðardeildarstjóri í Blóðbankanum, blóðsöfnun

Aðstoðardeildarstjóri í Blóðbankanum, blóðsöfnun

Blóðbankinn sækist eftir framsæknum hjúkrunarfræðingi með brennandi áhuga á starfsemi og stjórnun Blóðbankans. Aðstoðardeildarstjóri í blóðsöfnunarhluta Blóðbankans vinnur náið með deildarstjóra Blóðbankans og einingastjórum blóðsöfnunar í vel þroskuðu gæðakerfi í samræmi við hlutverk Blóðbankans.

Í Blóðbanka er samhentur hópur starfsmanna; hjúkrunarfræðingar, læknar, náttúrufræðingar, lífeindafræðingar og skrifstofumenn. Þar er unnið samkvæmt vottuðu gæðakerfi og er markmið allra starfsmanna að viðhalda gæðakerfinu og vinna í samræmi við hlutverk og stefnu Blóðbankans. Blóðbankinn sinnir öllum þáttum blóðbankaþjónustunnar fyrir landið samkvæmt reglugerð.

Ráðið verður í starfið frá 1. september 2021 eða eftir nánara samkomulagi.

Helstu verkefni og ábyrgð

  • Vinnur með deildarstjóra að skipulagningu á starfsemi blóðsöfnunarhluta Blóðbankans
  • Ber ábyrgð á verkefnum sem deildarstjóri felur honum samkvæmt sérstakri verkefnalýsingu 
  • Tekur þátt í störfum gæðaráðs Blóðbankans og er þannig leiðandi í klínísku starfi, öryggis- og gæðastarfi og öðru umbótastarfi sem stuðlar að bættri þjónustu og 
    framþróun í blóðbankastarfseminni
  • Leysir deildarstjóra af í fjarveru hans samkvæmt samkomulagi
  • Vinnur náið með deildarstjóra að mótun liðsheildar
  • Aðstoðardeildarstjóri sinnir auk þess almennum störfum innan blóðsöfnunar

Hæfniskröfur

  • Íslenskt hjúkrunarleyfi
  • Starfsreynsla sem hjúkrunarfræðingur 
  • Fagmennskanákvæmni og vilji til að tileinka sér nýjungar 
  • Gott viðmótjákvæðni og lipurð í mannlegum samskiptum 
  • Góð tölvukunnátta 
  • Góð íslenskukunnátta nauðsynleg og góður skilningur á ensku
  • Sterkur vilji til að standa sig í skemmtilegu og krefjandi starfi 

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Tekið er mið af jafnréttisstefnu Landspítala við ráðningar á spítalanum. Umsókn fylgi náms- og starfsferilskrá ásamt afriti af prófskírteinum og starfsleyfi auk kynningarbréfs. Ákvörðun um ráðningu byggist á innsendum gögnum og viðtölum.

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.  
Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfamerkingar: heilbrigðisþjónusta, hjúkrunarfræðingur, hjúkrunardeildarstjóri, aðstoðardeildarstjóri hjúkrun

Starfshlutfall er 80-100%

Umsóknarfrestur er til og með 16.08.2021

Nánari upplýsingar veitir

Ína Björg Hjálmarsdóttir - [email protected] - 8245287

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira