Hoppa yfir valmynd
HeilbrigðisþjónustaHöfuðborgarsvæðiðLandspítali

Hjúkrunarfræðingar - Áhugaverð störf á legudeildum skurðlækningakjarna Landspítala

Hjúkrunarfræðingar - Áhugaverð störf á legudeildum skurðlækningakjarna Landspítala

Við viljum ráða hjúkrunarfræðinga til starfa í okkar góða hóp á skurðlækningakjarna Landspítala. Unnið er í vaktavinnu og er starfshlutfall 50 -100%. Störfin eru laus frá 1. september 2021 eða eftir samkomulagi.

Á skurðlækningakjarna eru legudeildirnar fjórar, bæklunarskurðdeild, HNE- lýta- og æðaskurðdeild, heila- tauga- og bæklunarskurðdeild og kviðarhols- og þvagfæraskurðdeild. Bjóðum einstaklingsmiðaða aðlögun eftir þörfum hvers og eins með áherslu á fagmennsku og starfsþróun. 

Vinnuvika starfsfólks í vaktavinnu er nú 36 stundir sem getur orðið enn meiri eftir samsetningu vakta. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf, þannig að störf í vaktavinnu verði eftirsóknarverðari. 

Landspítali styður nýútskrifaða hjúkrunarfræðinga í starfi með markvissri handleiðslu og fræðslu, samhliða starfi í  formi starfsþróunarárs Landspítala.

Helstu verkefni og ábyrgð

  • Ákveða, skipuleggja og veita hjúkrunarmeðferð
  • Skipuleggja og veita fræðslu til sjúklinga og aðstandenda
  • Virkur þátttakandi í þróun og uppbyggingu deildarinnar
  • Þátttaka í þverfaglegri teymisvinnu

Hæfniskröfur

  • Íslenskt hjúkrunarleyfi
  • Faglegur metnaður og frumkvæði
  • Jákvætt viðhorf og góðir samskiptahæfileikar
  • Áhugi á að starfa í krefjandi og skemmtilegu umhverfi

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Tekið er mið af jafnréttisstefnu Landspítala við ráðningar á spítalanum. 

Umsókn fylgi náms- og starfsferilskrá ásamt afriti af prófskírteinum og starfsleyfi. Ákvörðun um ráðningu í starfið byggist á innsendum gögnum og viðtölum. Öllum umsóknum verður svarað. 

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. 

Starfsmerkingar: Heilbrigðisþjónusta, Hjúkrunarfræðingur

Starfshlutfall er 50-100%

Umsóknarfrestur er til og með 05.08.2021

Nánari upplýsingar veitir

Þórdís Ágústa Ingólfsdóttir - [email protected] - 543 1000

Handleiðsla og fræðsla á starfsþróunarári (myndskeið)

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira