Hoppa yfir valmynd
HeilbrigðisþjónustaHöfuðborgarsvæðiðLandspítali

Sjúkraliði óskast á kvenlækningadeild 21A

Sjúkraliði óskast á kvenlækningadeild 21A

Sjúkraliði óskast til starfa á kvenlækningadeild 21A Landspítala. Á deildinni starfar samhent teymi starfsmanna sem veitir fjölþætta heilbrigðisþjónustu allan sólarhringinn. Deildin er í senn göngu-, dag- og legudeild og sinnir konum með góðkynja og illkynja sjúkdóma í grindarholi og brjóstum. Bráðatilfellum kvensjúkdóma er auk þess sinnt á deildinni utan opnunartíma nýrrar bráðaþjónustu kvennadeilda. Í boði er spennandi, krefjandi og líflegt starfsumhverfi, góður starfsandi og fjölbreytt tækifæri til faglegrar þróunar. Unnið er í vaktavinnu og er starfshlutfall samkomulag. Starfið er laust frá 1. september 2021 eða eftir nánara samkomulagi.

Helstu verkefni og ábyrgð

  • Hjúkrun sjúklinga fyrir og eftir aðgerðir
  • Umönnun og eftirlit aðgerðarsjúklinga, undirbúningur þeirra og fyrirbygging fylgikvilla
  • Umönnun annarra sjúklinga á deild, m.a. kvenna sem greinst hafa með krabbamein í kvenlíffærum
  • Virk þátttaka í teymis- og umbótastarfi
  • Aðstoð á göngudeild/bráðamóttöku á dagvinnutíma eftir þörfum

Hæfniskröfur

  • Íslenskt sjúkraliðaleyfi
  • Faglegur metnaður, frumkvæði og ábyrgð í starfi
  • Jákvætt viðmót, sveigjanleiki og góðir samskiptahæfileikar
  • Reynsla í starfi sjúkraliða æskileg
  • Hæfni og geta til að starfa í teymi

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Sjúkraliðafélag Íslands hafa gert.

Tekið er mið af jafnréttisstefnu LSH við ráðningar á spítalanum. Umsókn fylgi náms- og starfsferilskrá ásamt afriti af prófskírteinum og starfsleyfi. Öllum umsóknum verður svarað. Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfsmerkingar: Heilbrigðisþjónusta, sjúkraliði, aðhlynning, umönnun

Starfshlutfall er 60-100%

Umsóknarfrestur er til og með 23.07.2021

Nánari upplýsingar veitir

Hrund Magnúsdóttir - [email protected] - 825 3752

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira