Hoppa yfir valmynd
Kennsla og rannsóknirHöfuðborgarsvæðið

Kennslu- og gæðastjóri grunnnáms Hjúkrunarfræðideildar

Kennslu- og gæðastjóri grunnnáms Hjúkrunarfræðideildar

Við Hjúkrunarfræðideild Háskóla Íslands er laust til umsóknar fullt starf kennslu- og gæðastjóra grunnnáms. Um framtíðarstarf er að ræða.

Um er að ræða krefjandi og skemmtilegt starf í metnaðarfullu og lifandi umhverfi. Æskilegt er að viðkomandi geti hafið störf sem fyrst, eða samkvæmt nánara samkomulagi.

Helstu verkefni og ábyrgð

Viðkomandi mun vinna náið með kennurum deildar, námsnefndum grunnnáms, deildarforseta, deildarskrifstofu og kennsluteymi Heilbrigðisvísindasviðs. Kennslustjóra er ætlað að stuðla að framúrskarandi gæðum náms og kennslu í takt við alþjóðlega strauma og áherslur og stefnu HÍ. Hluti af starfsskyldum kennslustjóra er jafnframt þátttaka í kennslu í námskeiðum deildar, sem nemur u.þ.b. 20% kennsluskyldu, sem og að efla alþjóðleg tengsl.

Starfsstöð er í húsnæði deildarinnar í Eirbergi við Eiríksgötu 34. 

Helstu verkefni: 

  • Hefur yfirsýn yfir og samræmir kennslu og námsmat í takt við stefnu deildar.
  • Styður við vandað skipulag náms, markvissa upplýsingagjöf til kennara og nemenda, og að vinnuálag í námskeiðum grunnnáms sé í samræmi við viðmið.
  • Styður við þróun nýrra kennsluhátta í samvinnu við námsnefnd grunnnáms og kennsluteymi Heilbrigðisvísindasviðs.
  • Fylgist með námsframvindu nemenda í samvinnu við stoðþjónustu deildar.
  • Annast mat á hlutanámi sem lokið hefur verið við aðrar háskóladeildir/-skóla.
  • Hefur umsjón með skiptinámi innan deildar.
  • Undirbýr kennarafundi og fylgir eftir ákvörðunum sem þar eru teknar í samstarfi við deildarskrifstofu.

Hæfniskröfur

  • BS-próf í hjúkrunarfræði
  • Meistaragráða sem nýtist í starfi
  • Kennslufræðileg þekking er æskileg
  • Reynsla af háskólakennslu er æskileg
  • Góð færni í samskiptum og rík þjónustulund
  • Góð kunnátta í íslensku og ensku, bæði í ræðu og riti
  • Góð tölvukunnátta, þ.m.t. færni í upplýsingatækni og hæfni til að tileinka sér nýjungar á því sviði
  • Frumkvæði, sveigjanleiki og sjálfstæð vinnubrögð

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Eftirfarandi gögn skulu fylgja umsókninni:

  • Ferilskrá
  • Staðfest afrit af prófskírteinum
  • Upplýsingar um umsagnaraðila
  • Greinargerð þar sem áhuga fyrir verkefninu er lýst og fjallað um hvað umsækjandi getur lagt af mörkum til þess.

 

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

Heilbrigðisvísindasvið er eitt af fimm fræðasviðum Háskóla Íslands. Innan sviðsins eru sex deildir; Hjúkrunarfræðideild, Lyfjafræðideild, Læknadeild, Matvæla- og næringarfræðideild, Sálfræðideild og Tannlæknadeild. Starfsmenn sviðsins eru um 300 og nemendur um 2200.

Háskóli Íslands er stærsta kennslu-, rannsókna- og vísindastofnun Íslands og eini skólinn hérlendis sem er á báðum virtustu matslistunum yfir bestu háskóla heims, Times Higher Education World University Rankings og Shanghai Ranking.

Starfshlutfall er 100%

Umsóknarfrestur er til og með 09.08.2021

Nánari upplýsingar veitir

Herdís Sveinsdóttir - [email protected]

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira