Hoppa yfir valmynd
HeilbrigðisþjónustaSuðurnes

Deildarstjóri sálfélagslegrar þjónustu við Heilbrigðisstofnun Suðurnesja HSS

Deildarstjóri sálfélagslegrar þjónustu við Heilbrigðisstofnun Suðurnesja HSS

Laus er til umsóknar 100% ótímabundin staða deildarstjóra sálfélagslegrar þjónustu við Heilbrigðisstofnun Suðurnesja.  Æskilegt er að viðkomandi geti hafið störf sem fyrst.

Framundan eru spennandi verkefni við innleiðingu nýrrar stefnu HSS sem meðal annars leggur áherslu á þróun teymisvinnu innan heilsugæslusviðs og uppbyggingu geðheilsuteymis sem krefst lausnamiðaðrar hugsunar, nýsköpunar og samstarfs. Um þessar mundir á sér stað mikil uppbygging innan stofnunarinnar sem felur meðal annars í sér stórbætta vinnuaðstöðu teymis sálfélagslegrar þjónustu.

Ábyrgðasvið stjórnenda á HSS er þrískipt, fjárhagsleg, fagleg og á sviði mannauðs.

Á HSS starfa sálfræðingar og geðhjúkrunarfræðingur sem sinna geðþjónustu fyrir börn, unglinga og fullorðna. Við bjóðum upp á fjölbreytt, krefjandi og skemmtilegt starf í þverfaglegu umhverfi með læknum, hjúkrunarfræðingum og öðru fagfólki.

Helstu verkefni og ábyrgð

Hefur umsjón með sálfræði- og geðteymum og þjónustu þeirra. Ber ábyrgð á faglegri stjórnun og handleiðslu sálfræðinga í klínískri vinnu með börnum og fullorðnum.

Kemur að sálfræðilegri greiningu og meðferð skjólstæðinga.

Ber ábyrgð á gæða- og verklagsstarfi, stefnumótun og framtíðarsýn varðandi þjónustu sálfræðinga.

Samræmir og skipuleggur störf deildarinnar og er leiðtogi teymisins. Þekkir aðferðir mannauðsstjórnunar og beitir þeim við daglega stjórnun.

Er tengiliður við samstarfsaðila þjónustunnar, bæði innan stofnunar og utan.

Hæfniskröfur

  • Réttindi til að starfa sem sálfræðingur á Íslandi.
  • Umfangsmiklil þekking og reynsla af greiningu geðraskana og gagnreyndum meðferðum, hjá fullorðnum og börnum er skilyrði.
  • Leiðtogahæfni.
  • Lögð er áhersla á jákvætt viðhorf og áhuga á fjölbreyttum og krefjandi verkefnum.
  • Lögð er áhersla á frumkvæði og sjálfstæði í vinnubrögðum og framúrskarandi hæfileika á sviði samskipta og samvinnu.
  • Reynsla af þverfaglegri teymisvinnu, handleiðslu og stjórnun. 
  • Þekking á breytingastjórnun er kostur. 
  • Áhugi og geta til rannsóknarvinnu er æskileg.
  • Góð íslenskukunnátta.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Sálfræðingafélag Íslands hafa gert.

Sótt er um starfið rafrænt á www.hss.is undir Laus störf. Umsókn fylgi náms- og starfsferilskrá ásamt afriti af prófskírteinum og starfsleyfi. Ákvörðun um ráðningu byggist á innsendum gögnum og/eða viðtölum. Tekið er mið af jafnréttisstefnu HSS við ráðningar á stofnunina. Öllum umsóknum verður svarað þegar ákvörðun um ráðningu hefur verið tekin. 
Laun samkvæmt gildandi kjarasamningi sem fjármála- og efnahagsráðherra og Sálfræðingafélag Íslands hafa gert.

Á Heilbrigðisstofnun Suðurnesja eru þrjú svið; heilsugæslusvið, sjúkrahússvið og hjúkrunarsvið. Starfsstöðvar eru í þremur sveitarfélögum; Grindavík, Reykjanesbæ og Vogum. Heilbrigðisstofnun Suðurnesja sinnir þjónustu í einu fjölmennasta heilbrigðisumdæmi á landinu, um 27.000 manns. 
Nánari upplýsingar veitir Alma María Rögnvaldsdóttir, framkvæmdastjóri hjúkrunar.

Starfshlutfall er 100%

Umsóknarfrestur er til og með 03.08.2021

Nánari upplýsingar veitir

Alma María Rögnvaldsdóttir - [email protected] - 422-0500

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira