Hoppa yfir valmynd
LöggæslustörfHöfuðborgarsvæðið

Lögreglufulltrúi hjá Mennta- og starfsþróunarsetri lögreglunnar hjá embætti ríkislögreglustjóra

Lögreglufulltrúi hjá Mennta- og starfsþróunarsetri lögreglunnar hjá embætti ríkislögreglustjóra

Hjá embætti ríkislögreglustjóra er laust til umsóknar ein staða lögreglufulltrúa hjá Mennta- og starfsþróunarsetri lögreglunnar (MSL), Krókhálsi 5a í Reykjavík.  Gert er ráð fyrir því að setja í stöðuna til reynslu í 6 mánuði frá og með 1. september 2021 með skipun í huga að loknu reynslutímabili.

Mennta- og starfsþróunarsetrið starfar samkvæmt 37. gr. lögreglulaga nr. 90 frá 1996 með áorðnum breytingum. Helstu verkefni setursins eru að annast starfsnám nema í lögreglufræðum við háskóla, sbr. 38. gr., í samstarfi við háskóla, hafa umsjón með símenntun lögreglumanna innan lögreglu, annast skipulagningu og framboð sérhæfðra námskeiða, eftir atvikum í samstarfi við háskóla eða á grundvelli alþjóðasamstarfs, vera stjórnvöldum til ráðgjafar um menntun lögreglumanna, annast alþjóðasamskipti á vettvangi lögreglumenntunar ásamt því að annast önnur verkefni er lúta að menntun og fræðslu lögreglu.

Helstu verkefni og ábyrgð

  • Sinnir þjálfun lögreglunnar á Íslandi samkvæmt verklagsreglum og leiðbeiningum um viðbúnaðarskipulagi lögreglunnar. 
  • Sér um skipulagningu á ársæfingaáætlun lögreglu og skipulagningu á langtímaskipulagi þjálfunar.
  • Kemur að kennslu starfsnámsnema í lögreglufræði.
  • Kemur að almennri stefnumótun og markmiðasetningu á þróun þjálfunar lögreglunnar á Íslandi.
  • Kemur að gerð á kennslu- og fræðsluefnis fyrir þjálfun lögreglu og starfsnám lögreglufræðinema.
  • Fylgist með nýjungum á sviði lögregluþjálfunar og vinnur að þróun á aðferðum sem lögreglan notar í lögregluaðgerðum.

Hæfniskröfur

Menntun

  • Próf frá Lögregluskóla ríkisins eða diplómaprófi í lögreglufræðum sem jafngildir a.m.k. 120 stöðluðum námseiningum, þ.m.t. starfsnámi á vegum lögreglunnar. 
  • Kostur er að viðkomandi hafi lokið námi í þjálfun valdbeitingarþjálfara og/eða öðru menntunarfræðinámi.

Reynsla

  • Tveggja ára starfsreynsla sem lögreglumaður að lágmarki.
  • Reynsla af þjálfun lögreglumanna og/eða lögreglunema er skilyrði.

Persónulegir eiginleikar/hæfni

  • Sterkir leiðtogahæfileikar og góð fyrirmynd.
  • Góðir skipulagshæfileikar og reynsla af verkefnastjórnun.
  • Góð færni í að tjá sig í ræðu og riti á íslensku og ensku.
  • Góð almenn tölvufærni er skilyrði
  • Færni í mannlegum samskiptum og árangursríkri teymisvinnu.
  • Frumkvæði, drifkraftur og metnaður til að ná árangri í starfi.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Landssamband lögreglumanna hafa gert.

Með umsóknum skal fylgja ítarleg ferilskrá, afrit af prófskírteinum og kynningarbréf þar sem gerð er grein fyrir ástæðu umsóknar, hæfni til að sinna starfinu miðað við þær hæfniskröfur sem settar eru fram í auglýsingu. Umsóknir sem berast eftir að umsóknarfresti lýkur verða ekki teknar til greina. Öllum umsóknum verður svarað þegar ákvörðun um ráðningu hefur verið tekin.

Í ljósi ríkjandi kynjahlutfalls innan lögreglu og jafnréttisáætlunar lögreglunnar, eru konur sérstaklega hvattar til að sækja um.

Vakin er athygli á því að samkvæmt 28. gr. a. lögreglulaga nr. 90/1996 má engan skipa, setja eða ráða til starfa hjá lögreglu sem hefur hlotið fangelsisdóm fyrir refsiverðan verknað sem framinn var eftir að hann varð fullra 18 ára eða sýnt af sér háttsemi sem getur rýrt það traust sem starfsmenn lögreglu verða almennt að njóta. Til þess að staðreyna þetta er lögreglu heimilt að afla upplýsinga úr sakaskrá og málaskrám lögreglu.

Starfshlutfall er 100%

Umsóknarfrestur er til og með 03.08.2021

Nánari upplýsingar veitir

Ágústa Hlín Gústafsdóttir - [email protected] - 4442500

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira