Hoppa yfir valmynd
HeilbrigðisþjónustaHöfuðborgarsvæðiðLandspítali

Hjúkrunarfræðingur - Vöknun við Hringbraut

Hjúkrunarfræðingur - Vöknun við Hringbraut

Við óskum eftir metnaðarfullum hjúkrunarfræðingi til starfa á vöknun Landspítala við Hringbraut. Um er að ræða vaktavinnu og er starfið laust 1. október 2021 eða eftir nánara samkomulagi. Starfið er mjög fjölbreytt og snýr að því að sinna bæði börnum og fullorðnum eftir skurðaðgerðir, einnig leggjast þar inn sjúklingar eftir aðrar rannsóknir sem gerðar eru í svæfingu eða deyfingu. Við bjóðum einstaklingsmiðaða þjálfun á góðum vinnustað þar sem áhersla er lögð á teymisvinnu, fagmennsku og starfsþróun. 

Á vöknun, sem er sólarhringsdeild, starfa 15 hjúkrunarfræðingar og 4 sjúkraliðar. Deildin tilheyrir svæfingu Hringbrautar en þar starfa um 40 svæfingahjúkrunarfræðingar ásamt svæfingalæknum og hjúkrunarfræðingum á móttöku. 
Starfið felur í sér mikla teymisvinnu þar sem unnið er í góðu samstarfi við þverfaglegt teymi aðgerðasviðs og fjölmarga aðra fagmenn spítalans.  

Landspítali styður nýútskrifaða hjúkrunarfræðinga í starfi með markvissri handleiðslu og fræðslu, samhliða starfi í formi starfsþróunarárs Landspítala

Helstu verkefni og ábyrgð

  • Veita nákvæmt eftirlit eftir aðgerðir/ rannsóknir og annað inngrip hjá sjúklingum
  • Aðstoð við undirbúning og ísetningu deyfinga, æðaleggja og verkjameðferða
  • Ákveða, skrá og veita hjúkrunarmeðferð í samræmi við þarfir skjólstæðinga og bera ábyrgð á meðferð, samkvæmt starfslýsingu og vinnureglum deildar

Hæfniskröfur

  • Íslenskt hjúkrunarleyfi
  • Faglegur metnaður og áhugi
  • Jákvætt viðmót og góðir samskiptahæfileikar
  • Sveigjanleiki og sjálfstæði í vinnubrögðum
  • Áhugi og hæfni til að takast á við breytingar og færni í teymisvinnu

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Tekið er mið af jafnréttisstefnu Landspítala við ráðningar á spítalanum. 

Umsókn fylgi náms- og starfsferilskrá ásamt afriti af prófskírteinum og starfsleyfi. Ákvörðun um ráðningu byggist á innsendum gögnum og viðtölum. Öllum umsóknum verður svarað. 

Landspítali er lifandi og fjölbreyttur vinnustaður þar sem rúmlega 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. 

Starfsmerkingar: Heilbrigðisþjónusta, Hjúkrunarfræðingur

Starfshlutfall er 80-100%

Umsóknarfrestur er til og með 09.08.2021

Nánari upplýsingar veitir

Margrét Pálsdóttir - [email protected] - 824 5226
Auður Sesselja Gylfadóttir - [email protected] - 620 1489

Handleiðsla og fræðsla á starfsþróunarári (myndskeið)

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira