Hoppa yfir valmynd
HeilbrigðisþjónustaHöfuðborgarsvæðið

Yfirlæknir sýkla- og veirufræðideildar Landspítala

Yfirlæknir sýkla- og veirufræðideildar Landspítala

Starf yfirlæknis sýkla- og veirufræðideildar á Landspítala er laust til umsóknar. Sýkla- og veirufræðideild Landspítala er rannsóknastofa og tilvísunarrannsóknastofa fyrir Ísland á sviði bakteríufræði, veirufræði, sveppafræði og sníkjudýrafræði. Deildin vinnur með sóttvarnarlækni og öðrum heilbrigðisyfirvöldum að bættri lýðheilsu með rannsóknum og skráningu á smitsjúkdómum, orsökum þeirra og útbreiðslu. 

Yfirlæknir er leiðtogi og hefur þríþætta ábyrgð sem stjórnandi; þ.e.a.s. faglega ábyrgð, starfsmannaábyrgð og fjárhagslega ábyrgð. Auk þess gegnir yfirlæknir mikilvægu hlutverki í kennslumálum og uppbyggingu vísindastarfs á deildinni. Næsti yfirmaður er forstöðumaður rannsóknaþjónustu.

Leitað er eftir sérfræðilækni með víðtæka reynslu og hæfni til að vera í forystu deildarinnar fyrir þjónustu við sjúklinga og heilbrigðisstarfsmenn, vísindarannsóknir, umbótastarf, öryggismál og uppbyggingu mannauðs í nánu samstarfi við forstöðumann, framkvæmdastjóra og annað starfsfólk. Gerð er krafa um helgun í starfi yfirlæknis. Starfshlutfall er 100% og veitist starfið frá 1. nóvember 2021 eða samkvæmt nánara samkomulagi. 

Helstu verkefni og ábyrgð

  • Fagleg ábyrgð á starfi deildarinnar og þjónustuhlutverki hennar, uppbyggingu, skipulagi og þróun sýkla- og veirufræði, þ.m.t. kennslumál og vísindastarf 
  • Fjárhagsleg ábyrgð, þ.e. ábyrgð á rekstrarkostnaði einingarinnar 
  • Starfsmannaábyrgð, þ.e. ábyrgð á uppbyggingu mannauðs og daglegri stjórnun starfsmanna á einingunni 

Hæfniskröfur

  • Íslenskt sérfræðileyfi í sýkla- og/ eða veirufræði 
  • Leiðtogahæfileikar og geta til að leiða umbótastarf og breytingar 
  • Færni í stjórnunarhlutverki, þ.e. fagleg ábyrgð, starfsmannaábyrgð og fjárhagsleg ábyrgð 
  • Reynsla af kennslu og vísindastörfum og sýn til framtíðar á þeim sviðum
  • Jákvætt viðmót og framúrskarandi hæfni í mannlegum samskiptum 
  • Frumkvæði og metnaður til að ná árangri 
  • Doktorspróf á fagsviði deildarinnar er mikill kostur 

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Fullt starf er bundið við sjúkrahúsið eingöngu sbr. grein 3.2.4 í gildandi kjarasamningi lækna og ríkisins. Tekið er mið af jafnréttisstefnu Landspítala við ráðningar á spítalanum.

Nauðsynleg fylgiskjöl:
» Vottað afrit af prófskírteinum  
» Afrit af lækninga- og sérfræðileyfum sem og vottuð afrit af erlendum leyfum (ef við á) 
» Staðfesting á læknis-, stjórnunar- og kennslustörfum 
» Ferilskrá þar sem tilgreind er reynsla af læknis-, kennslu-, vísinda- og stjórnunarstörfum 
» Yfirlit yfir birtar ritrýndar vísindagreinar sem umsækjandi er höfundur að. Umsækjandi skal annaðhvort setja upp Google Scholar aðgang og senda vefslóð að síðunni eða senda staðfestingu á birtum greinum á PubMed 
» Afrit af umsókn um læknisstöðu hjá Embætti Landlæknis (sækja skjalið hér) og sendið sem fylgiskjal 
» Kynningarbréf með framtíðarsýn umsækjenda varðandi starfið og sérgreinina auk rökstuðnings fyrir hæfni 

Allar umsóknir eru sendar til stöðunefndar lækna skv. 36. gr. laga um heilbrigðisþjónustu, sem hefur aðsetur hjá Embætti landlæknis. Viðtöl verða höfð við umsækjendur og byggist ákvörðun um ráðningu í starfið einnig á þeim auk mati stöðunefndar á innsendum umsóknargögnum. Öllum umsóknum verður svarað. 

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 100%

Umsóknarfrestur er til og með 04.10.2021

Nánari upplýsingar veitir

Maríanna Garðarsdóttir - [email protected] - 825 3865

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira