Hoppa yfir valmynd
HeilbrigðisþjónustaHöfuðborgarsvæðiðLandspítali

Hjúkrunarfræðingur - Ráðgjafar- og stuðningsteymi langveikra barna - Barnaspítala Hringsins

Hjúkrunarfræðingur - Ráðgjafar- og stuðningsteymi langveikra barna - Barnaspítala Hringsins

Laust er til umsóknar  starf hjúkrunarfræðings í ráðgjafar- og stuðningsteymi langveikra barna á Barnaspítala Hringsins. Ráðið verður í starfið frá 1. nóvember 2021 eða eftir nánara samkomulagi og er starfshlutfall 100%.

Um er að ræða starf í nýju ráðgjafar- og stuðningsteymi fyrir langveik börn með umfangsmiklar þjónustuþarfir og fjölskyldur þeirra. Teyminu er ætlað að veita faglegan og félagslegan stuðning og utanumhald um upplýsingagjöf varðandi þjónustu við langveik börn. Hjúkrunarfræðingur starfar samkvæmt starfslýsingu en meginhlutverk er að veita ráðgjöf og stuðning til langveikra barna og fjölskyldna þeirra.

Helstu verkefni og ábyrgð

  • Virk þátttaka í þverfaglegu samstarfi og framþróun teymisins 
  • Samþætting hjúkrunarmeðferðar og greining stuðningsþarfa
  • Eftirfylgd í kjölfar útskrifta og samstarf við aðila í heilbrigðis- og félagsþjónustu
  • Markvisst samstarf með fjölskyldum og aðstandendum samkvæmt stefnu kvenna- og barnasviðs
  • Virk þátttaka í fræðslustarfi

Hæfniskröfur

  • Íslenskt hjúkrunarleyfi
  • Framhaldsnám í barna- eða fjölskylduhjúkrun er kostur
  • Þekking á hjúkrun langveikra barna og fjölskyldna þeirra; reynsla er æskileg
  • Reynsla af áfallameðferð er kostur
  • Sjálfstæð og skipulögð vinnubrögð 
  • Hæfni til þessa að vinna í þverfaglegu teymi
  • Afburða samskiptafærni og samstarfshæfileikar
  • Áhugi og sveigjanleiki í starfi 
  • Hreint sakavottorð

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Tekið er mið af jafnréttisstefnu Landspítala við ráðningar á spítalanum. 

Umsókn fylgi náms- og starfsferilskrá ásamt afriti af prófskírteinum og starfsleyfi. Öllum umsóknum verður svarað.

Umsækjendur skulu framvísa nýju sakavottorði áður en til ráðningar getur komið, sbr. meginreglur laga um barnavernd sem m.a. koma fram í 2. mgr. 36. gr. laga nr. 80/2002. 

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. 

Starfsmerkingar: Heilbrigðisþjónusta, Hjúkrunarfræðingur

Starfshlutfall er 100%

Umsóknarfrestur er til og með 17.09.2021

Nánari upplýsingar veitir

Rannveig Björk Guðjónsdóttir - [email protected] - 893 5332

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira