Hoppa yfir valmynd
HeilbrigðisþjónustaHöfuðborgarsvæðið

Þjónustulundaður starfsmaður í afgreiðsluapótek Landspítala

Þjónustulundaður starfsmaður í afgreiðsluapótek Landspítala

Lyfjaþjónusta Landspítala óskar eftir að ráða til starfa jákvæðan og þjónustulundaðan liðsmann í afgreiðsluapótek Landspítala. Um er að ræða tímabundið afleysingastarf til eins árs og er æskilegt að umsækjandi geti hafið störf sem fyrst. Við hvetjum karla jafnt sem konur til að sækja um starfið.

Afgreiðsluapótek heyrir undir lyfjaþjónustu Landspítala og þjónustar sjúklinga sem útskrifast frá spítalanum sem og sjúklinga sem fá þjónustu á dag- og göngudeildum. Í lyfjaþjónustu Landspítala starfa um 80 lyfjafræðingar, lyfjatæknar og sérhæfðir starfsmenn. Verkefni lyfjaþjónustu eru fjölbreytt og fela meðal annars í sér að þjónusta sjúklinga á öllum deildum spítalans með öflun, blöndun, skömmtun og dreifingu lyfja ásamt faglegri upplýsingagjöf um lyf. 

Helstu verkefni og ábyrgð

  • Móttaka og afgreiðsla lyfseðla og lausasölulyfja
  • Vörumóttaka og frágangur lyfja
  • Pantanir á rekstrarvöru
  • Símsvörun
  • Önnur tilfallandi verkefni

Hæfniskröfur

  • Stúdentspróf eða sambærilegt
  • Reynsla af störfum í apóteki er kostur
  • Þjónustulund, jákvætt viðmót og góður liðsmaður
  • Nákvæm vinnubrögð
  • Góð íslensku- og tölvukunnátta

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Umsókn fylgi náms- og starfsferilskrá. Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum. 

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

 Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

 Starfsmerkingar: Heilbrigðisþjónusta, starfsmaður

Starfshlutfall er 100%

Umsóknarfrestur er til og með 20.09.2021

Nánari upplýsingar veitir

Þóra Jónsdóttir - [email protected] - 840 3310
Tinna Rán Ægisdóttir - [email protected] - 620 1620

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira