Hoppa yfir valmynd
HeilbrigðisþjónustaHöfuðborgarsvæðið

Félagsliði - Endurhæfingateymi Heimahjúkrun HH

Félagsliði - Endurhæfingateymi Heimahjúkrun HH

Laust er starf félagsliða í endurhæfingateymi hjá Heimahjúkrun Heilsugæslu höfuðborgarsvæðisins. Endurhæfingateymi heimahjúkrunar er sjálfstætt teymi innan Heimahjúkrunar HH. Ráðið verður í starfið sem fyrst eða eftir nánara samkomulagi. Starfshlutfall er 100%. Heimahjúkrun Heilsugæslu höfuðborgarsvæðisins sinnir heimahjúkrun í Kópavogi, Garðabæ, Hafnarfirði og Mosfellsumdæmi og er með aðsetur að Hlíðarsmára 17. 

Hlutverk heimahjúkrunar er að veita einstaklingsmiðaða hjúkrun þar sem forvarnir, heilsuvernd, heilsuefling, fagleg þekking og samstarf er höfð að leiðarljósi. Einstaklingshæfð heimahjúkrun er sérsniðin að þörfum hvers og eins.

Helstu verkefni og ábyrgð

Hefur að leiðarljósi að ná fram þeim endurhæfingarmarkmiðum sem skjólstæðingur setur á hverjum tíma meðal annars að tengja skjólstæðinga við félagsstarf og styðja við samfélagslegar athafnir. Hann tekur þátt í að endurmeta markmiðin í samráði við skjólstæðing og teymi. 

Hann vinnur náið í teymi ásamt iðjuþjálfa, hjúkrunarfræðing, sjúkraþjálfa og sjúkraliðum og er teymið leitt af teymisstjóra. Félagsliði mun hafa bifreið til afnota á vinnutíma.

Hæfniskröfur

  • Félagsliðamenntun æskileg
  • Starfsreynsla félagsliða æskileg
  • Sjálfstæði í starfi
  • Mikil samskiptahæfni og rík þjónustulund
  • Gilt ökuleyfi
  • Hreint sakavottorð
  • Góð almenn tölvunotkun
  • Góð íslenskukunnátta

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Umsókn skal fylgja ítarleg náms- og starfsferilsskrá. Jafnframt skal leggja fram staðfestar upplýsingar um menntun. Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt skulu berast Svövu Þorkelsdóttur, framkvæmdastjóra mannauðs og nýliðunar Heilsugæslu höfuðborgarsvæðisins, Álfabakka 16, 109 Reykjavík. Öllum umsóknum verður svarað þegar ákvörðun um ráðningu liggur fyrir. Tekið er mið af jafnréttisstefnu Heilsugæslu höfuðborgarsvæðisins við ráðningu í starfið. Umsókn getur gilt í 6 mánuði.

Starfshlutfall er 100%

Umsóknarfrestur er til og með 17.09.2021

Nánari upplýsingar veitir

Sigrún Kristín Barkardóttir - [email protected] - 513-6900
Hildur Sigurjónsdóttir - [email protected] - 513-6900

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira