Hoppa yfir valmynd
HeilbrigðisþjónustaHöfuðborgarsvæðiðLandspítali

Hjúkrunarfræðingur - Áhugavert starf í spennandi starfsumhverfi

Hjúkrunarfræðingur - Áhugavert starf í spennandi starfsumhverfi

Öryggis- og réttargeðdeild Landspítala auglýsir laust til umsóknar starf hjúkrunarfræðings. Í boði er spennandi og krefjandi starf og mikil tækifæri til faglegrar þróunar. Starfið felur í sér teymisvinnu þar sem unnið er náið með öllum starfsstéttum. Unnið er á þrískiptum vöktum og er starfshlutfall og upphaf starfs samkomulag en æskilegt er að umsækjandi geti hafið störf ekki seinna en í nóvember 2021. Nýir starfsmenn fá handleiðslu og góða einstaklingsmiðaða aðlögun.

Réttargeðdeildin er níu rúma og sinnir meðferð og endurhæfingu ósakhæfra sjúklinga með alvarlegar geðraskanir. 
Öryggisgeðdeildin er átta rúma og sinnir sérhæfðri meðferð og endurhæfingu sjúklinga með alvarlegar geðraskanir. 

Meðferðarnálgun deildanna er fjölþætt og ræðst af þörfum og getu hvers og eins sjúklings. Meginmarkmið meðferðarinnar er að sjúklingar fái þá meðferð og endurhæfingu sem er nauðsynleg til þess að þeir geti komist aftur út í samfélagið. Starfsemi deildanna er í mikilli þróun og áhersla á umbótastarf er því mikil þar sem sjúklingar og aðstandendur þeirra eru í öndvegi. Áhersla er lögð á fagmennsku, öryggi og umhyggju.

Vinnuvika starfsfólks í vaktavinnu er nú 36 stundir sem getur orðið minni eftir samsetningu vakta. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.

Landspítali styður nýútskrifaða hjúkrunarfræðinga í starfi með markvissri handleiðslu og fræðslu, samhliða starfi í formi starfsþróunarárs Landspítala.

Helstu verkefni og ábyrgð

  • Skipuleggur og forgangsraðar störfum sínum með tilliti til þarfa sjúklinga
  • Ber ábyrgð á meðferð og öryggisþáttum, samkvæmt starfslýsingu
  • Starfar í fjölfaglegum teymum við umönnun og meðferð sjúklinga með alvarleg geðræn einkenni
  • Hvetur, leiðbeinir og veitir víðtækan stuðning við nema og ófaglærða starfsmenn
  • Tekur þátt í umbótarstarfi og þróun þjónustunnar
  • Stuðlar að góðum starfsanda

Hæfniskröfur

  • Íslenskt hjúkrunarleyfi
  • Reynsla af geðhjúkrun æskileg
  • Áhugi á geðhjúkrun 
  • Faglegur metnaður og ábyrgð í starfi
  • Framúrskarandi samskiptahæfni

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Tekið er mið af jafnréttisstefnu Landspítala við ráðningar á spítalanum.  

Umsókn fylgi náms- og starfsferilskrá ásamt afriti af prófskírteinum og starfsleyfi. Ákvörðun um ráðningu byggist á innsendum gögnum og viðtölum. Öllum umsóknum verður svarað.  

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur. 

 Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.  

 Starfsmerkingar: Heilbrigðisþjónusta, Hjúkrunarfræðingur 

Starfshlutfall er 60-100%

Umsóknarfrestur er til og með 20.09.2021

Nánari upplýsingar veitir

Eyrún Thorstensen - [email protected] - 824 5419
Sigríður Edda Hafberg - [email protected] - 543 4453

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira