Hoppa yfir valmynd
HeilbrigðisþjónustaHöfuðborgarsvæðiðLandspítali

Hjúkrunarfræðingur - Fjölbreytt starf á göngudeild þvagfæra 11A

Hjúkrunarfræðingur - Fjölbreytt starf á göngudeild þvagfæra 11A

Við viljum ráða hjúkrunarfræðing í fullt dagvinnustarf á göngudeild þvagfæra á 11A við Hringbraut. Starfið er laust frá 1. desember 2021 eða eftir samkomulagi. Tilvalið fyrir framsækinn og metnaðarfullan hjúkrunarfræðing. Á göngudeild þvagfæra er sérhæfð göngudeildarþjónusta við sjúklinga utan sem innan spítala auk ráðgjafar og kennslu. Þar fara fram ýmsar rannsóknir, greiningar og meðferðir á sjúkdómum í þvagfærum.  

Á deildinni er öflugur hópur reyndra hjúkrunarfræðinga, þar ríkir góður starfsandi sem einkennist af vinnugleði og metnaði. Markvisst er unnið að umbótum og framþróun hjúkrunar sérgreinanna. Mikil námstækifæri eru á deildinni og möguleiki á Urotherapauta námi í Svíþjóð árið 2023. 

Við tökum vel á móti nýjum starfsmönnum og veitum einstaklingbundna aðlögun undir leiðsögn reyndra hjúkrunarfræðinga. Áhugasamir hafi samband við Hrafnhildi Baldursdóttur, deildarstjóra. 

Vinnuvika starfsfólks í fullri dagvinnu er nú 36 stundir. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf. 

Helstu verkefni og ábyrgð

  • Ákveða, skipuleggja og veita hjúkrunarmeðferð í samráði við skjólstæðinga og bera ábyrgð á meðferð, samkv. starfslýsingu
  • Veita fræðslu til sjúklinga og aðstandenda
  • Þátttaka í þverfaglegri teymisvinnu innan deildar og í samvinnu við legudeildir sérgreina

Hæfniskröfur

  • Íslenskt hjúkrunarleyfi
  • Frumkvæði, sjálfstæði og faglegur metnaður
  • Áhugi á að starfa í krefjandi og fjölbreyttu umhverfi
  • Jákvætt viðmót og góðir samskiptahæfileikar
  • Hæfni og geta til að starfa í teymi
  • Starfsreynsla æskileg

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Tekið er mið af jafnréttisstefnu Landspítala við ráðningar á spítalanum.  

Umsókn fylgi náms- og starfsferilskrá ásamt afriti af prófskírteinum og starfsleyfi. Ákvörðun um ráðningu byggist á innsendum gögnum og viðtölum. Öllum umsóknum verður svarað.  

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur. 

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.  

Starfsmerkingar: Heilbrigðisþjónusta, hjúkrunarfræðingur 

Starfshlutfall er 100%

Umsóknarfrestur er til og með 24.09.2021

Nánari upplýsingar veitir

Hrafnhildur L Baldursdóttir - [email protected] - 825 3728

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira