Hoppa yfir valmynd
HeilbrigðisþjónustaHöfuðborgarsvæðiðLandspítali

Ljósmóðir á fæðingarvakt Landspítala

Ljósmóðir á fæðingarvakt Landspítala

Laus eru til umsóknar störf ljósmæðra á fæðingarvakt Landspítala. Á deildinni er veitt þjónusta við konur í eðlilegri fæðingu auk þjónustu við konur með áhættuþætti sem þurfa sérhæft eftirlit í fæðingu. 

Boðið er upp á möguleikann á að vera í tvískiptu starfi og starfa þá að hluta til einnig á meðgöngu- og sængurlegudeild í samráði við stjórnendur beggja deilda. 

Á deildinni starfa um 80 manns og er fagmennska og teymisvinna höfð að leiðarljósi. Um er að ræða vaktavinnu í 40-100% starfshlutfall. Ráðið verður í störfin frá 1. nóvember 2021 eða eftir samkomulagi.

Vinnuvika starfsfólks í fullri vaktavinnu er nú 36 stundir og getur enn orðið minni eftir samsetningu vakta. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.

Helstu verkefni og ábyrgð

  • Umönnun kvenna í fæðingu og umönnun nýbura
  • Símaráðgjöf og móttaka kvenna í fæðingu og kvenna með bráð vandamál á síðari hluta meðgöngu
  • Þátttaka í faglegri þróun umönnunar sem veitt er á deildinni
  • Klínísk kennsla ljósmóðurnema og læknanema á deild

Hæfniskröfur

  • Íslenskt ljósmóðurleyfi
  • Sjálfstæði í vinnubrögðum og hæfni til að vinna í teymi
  • Góð samskiptahæfni og jákvætt viðhorf
  • Faglegur metnaður og frumkvæði í starfi
  • Reynsla af ljósmóðurstörfum er kostur
  • Reynsla af hjúkrunarstörfum er kostur

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Ljósmæðrafélag Íslands hafa gert.

Tekið er mið af jafnréttisstefnu Landspítala við ráðningar á spítalanum. 

Umsókn fylgi náms- og starfsferilskrá ásamt afriti af prófskírteinum og starfsleyfi. Öllum umsóknum verður svarað. 

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, ljósmóðir 

Starfshlutfall er 40-100%

Umsóknarfrestur er til og með 29.09.2021

Nánari upplýsingar veitir

Birna Gerður Jónsdóttir - [email protected] - 543 3296

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira