Hoppa yfir valmynd
HeilbrigðisþjónustaHöfuðborgarsvæðið

Hjúkrunarfræðingur - Heilsugæslan Hvammi

Hjúkrunarfræðingur - Heilsugæslan Hvammi

Heilsugæslan Hvammi auglýsir eftir hjúkrunarfræðingi til starfa ótímabundið í 80-100% starf við heilsugæsluhjúkrun. Æskilegt er að viðkomandi hefji störf  sem fyrst eða eftir nánara samkomulagi. Heilsugæslan Hvammi veitir íbúum í Kópavogi almenna, samfellda og aðgengilega heilbrigðisþjónustu. Mikil þróunarvinna er í gangi á stöðinni og stöðugt er unnið að því að bæta þjónustu við skjólstæðinga. Nánari upplýsingar um starfsemi stöðvarinnar má finna á vef Heilsugæslunnar (www.heilsugaeslan.is ).

Helstu verkefni og ábyrgð

Megin starfssvið er ung- og smábarnavernd, hjúkrunarmóttaka, heilsueflandi móttökur og heilsuvernd eldra fólks. Ung og smábarnavernd eflir heilsu, vellíðan og þroska ungra barna með reglulegum heilsufarsskoðunum ásamt stuðningi og heilbrigðisfræðslu til fjölskyldna þeirra. Starfssvið hjúkrunarmóttöku er mjög víðtækt. Hjúkrunarmóttakan sinnir fólki á öllum aldri og skiptist í opna móttöku, bókaða móttöku og símaráðgjöf. Í opinni móttöku er tekið á móti bráðaerindum, í bókaðri móttöku er tekið á móti öðrum erindum s.s. ferðamannaheilsuvernd og sárameðferð. Heilsueflandi móttaka felur í sér mat á heilsu skjólstæðinga og þörf þeirra á heilsueflingu. Lögð er áhersla á einstaklingsmiðaða nálgun, stuðning við breytingar og raunhæfa markmiðasetningu. Teymisvinna er með öðrum starfsmönnum stöðvarinnar eftir þörfum.

Hæfniskröfur

- Íslenskt hjúkrunarleyfi - Reynsla af heilsugæsluhjúkrun æskileg - Reynsla af fjölskylduhjúkrun æskileg - Áhugi og vilji til að vinna með börnum og fjölskyldum - Þekking á forvarnar- og heilsueflingarstarfi - Sjálfstæði í starfi, skiplagningarhæfni og öguð vinnubrögð - Reynsla og áhugi á teymisvinnu - Reynsla af bráða- og slysamóttöku er kostur - Mikil samskiptahæfni og sveigjanleiki - íslenskukunnátta og góð almenn tölvukunnátta

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn skal fylgja ítarleg náms- og starfsferilsskrá ásamt kynningarbréfi. Jafnframt skal leggja fram staðfestar upplýsingar um menntun og staðfest afrit af opinberu starfsleyfi. Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt skulu berast Svövu Þorkelsdóttur, framkvæmdastjóra mannauðs og nýliðunar Heilsugæslu höfuðborgarsvæðisins, Álfabakka 16, 109 Reykjavík. Tekið er mið af jafnréttisstefnu Heilsugæslu höfuðborgarsvæðisins við ráðningu í starfið. Öllum umsóknum verður svarað þegar ákvörðun um ráðningu liggur fyrir. Umsókn getur gilt í 6 mánuði.

Starfshlutfall er 80-100%

Umsóknarfrestur er til og með 20.09.2021

Nánari upplýsingar veitir

Rut Gunnarsdóttir - [email protected] - 513-5800

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira