Hoppa yfir valmynd
SérfræðistörfHöfuðborgarsvæðið

Sérfræðingur í öryggis- og fræðsludeild

Sérfræðingur í öryggis- og fræðsludeild

Samgöngustofa leitar að öflugum einstaklingi í stöðu sérfræðings í öryggis- og fræðsludeild á stjórnsýslu- og þróunarsviði. 

Helstu verkefni og ábyrgð

Helstu verkefni starfsins eru skráning sjóslysa og atvika í samevrópskan gagnagrunn auk þátttöku í greiningu og túlkun gagna um sjóslys. Einnig þátttaka í forvarna- og fræðsluverkefnum sem miða að því að breyta hegðun og viðhorfi og auka þannig öryggi í samgöngum, með sérstakri áherslu á öryggi til sjós. Felur það annars vegar í sér gerð efnis, þ.e. hugmyndavinnu, textagerð, uppsetningu og skipulag og hins vegar dreifingu efnis, þá bæði til almennings og til afmarkaðra hópa. 

Við leitum að einstaklingi sem á auðvelt með að vinna með öðrum í fjölbreyttum verkefnum sem reynir á frumkvæði og sjálfstæði í vinnubrögðum, gott skipulag og nákvæmni, jákvætt og opið hugarfar og góða færni í framsetningu og stafrænni miðlun. 

Hæfniskröfur

  • Háskólamenntun sem nýtist í starfi. Gerð er krafa um BA/BS gráðu.
  • Reynsla af fræðslu eða kennslu er kostur.
  • Reynsla af forvarnastarfi eða stafrænni miðlun er kostur.
  • Góð íslensku- og enskukunnátta og færni til að koma fram og tjá sig í ræðu og riti.
  • Góð tölvufærni, m.a. við úrvinnslu og framsetningu upplýsinga.
  • Þekking og áhugi á siglingum og sjómennsku kostur.
  • Frumkvæði, skipulag og nákvæmni.
  • Jákvæðni og góð færni í mannlegum samskiptum.

 

Í boði er spennandi starf hjá eftirsóknarverðum vinnustað í alþjóðlegu umhverfi. Við bjóðum upp á góða starfsaðstöðu og frábæra vinnufélaga.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Nánari upplýsingar veitir Gunnar Geir Gunnarsson deildarstjóri öryggis- og fræðsludeildar í síma 480-6000. Öllum umsóknum skal fylgja ítarleg starfsferilsskrá og kynningarbréf. Í ráðningarferlinu verður óskað eftir að umsækjendur skili sakavottorði. Hafi umsækjandi verið fundinn sekur um refsiverða háttsemi getur það orðið til þess að viðkomandi telst ekki hæfur til að gegna starfi hjá stofnuninni. Öllum umsóknum verður svarað þegar ákvörðun um ráðningu hefur verið tekin. Umsóknir gilda í a.m.k. sex mánuði ef staða losnar á ný. Samgöngustofa áskilur sér rétt til að hafna öllum umsóknum. Samgöngustofa hvetur öll kyn til að sækja um þessa stöðu.

Starfshlutfall er 100%

Umsóknarfrestur er til og með 20.09.2021

Nánari upplýsingar veitir

Gunnar Geir Gunnarsson - [email protected] - 4806000

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira