Hoppa yfir valmynd
SkrifstofustörfHöfuðborgarsvæðiðVegagerðin

Störf í vaktstöð Vegagerðarinnar í Garðabæ

Störf í vaktstöð Vegagerðarinnar í Garðabæ

Viltu hjálpa til við að vegfarendur komist greiðlega og örugglega um þjóðvegina - jafnvel á veturna?

Vaktstöðin í Garðabæ er hluti af deild vöktunar og upplýsinga. Rúmlega 20 starfsmenn starfa á deildinni, á Ísafirði og í Garðabæ. 

Ef þú uppfyllir hæfniskröfur og vilt verða hluti af samhentum hópi í góðu starfsumhverfi, hvetjum við þig til að sækja um.

  

 

 

Helstu verkefni og ábyrgð

Vaktstöð Vegagerðarinnar starfar allan sólarhringinn allt árið um kring. Þar fer fram vöktun á veðri og færð, vöktun á ástandi vega og vegbúnaðar, boðun viðbragðsaðila, samræmingu aðgerða og miðlun upplýsinga. Á veturna ber vaktstöð ábyrgð á samræmingu vetrarþjónustu, þar með talið á umferðarstýringu í óveðrum. Vaktstöð vinnur náið með upplýsingaþjónustu Vegagerðarinnar (1777) þjónustustöðvum Vegagerðarinnar um land allt, sveitarfélögum, og eftir atvikum með lögreglu og björgunarsveitum varðandi viðbragð, útköll og upplýsingagjöf.

 

 

Hæfniskröfur

  • Haldgóð reynsla sem nýtist í starfi
  • Góð almenn tölvufærni og innsláttarhraði
  • Almenn ökuréttindi
  • Hæfni til að meta og vinna með tölulegar upplýsingar
  • Góð kunnátta í ræðu og riti á íslensku og á ensku
  • Öguð vinnubrögð, skipulagshæfni og metnaður í starfi
  • Góðir samstarfs- og samskiptaeiginleikar
  • Frumkvæði og hæfni til að vinna sjálfstætt og sem hluti af teymi
  • Gott heilbrigði (stundum einmennt á vakt!)

 

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Vegagerðin er eftirsóknarverður vinnustaður. Áhugasamir einstaklingar, óháð kyni eru hvattir til að sækja um. Umsókn skal fylgja ferilskrá og  kynningarbréf þar sem gerð er grein fyrir ástæðu umsóknar.  Æskilegt að starfsmaður geti hafið störf sem fyrst. 

 Tekið skal fram að umsóknir geta gilt í sex mánuði frá því að umsóknarfrestur rennur út. Öllum umsóknum um starfið verður svarað þegar ákvörðun um ráðningu hefur verið tekin.

 

Starfshlutfall er 100%

Umsóknarfrestur er til og með 27.09.2021

Nánari upplýsingar veitir

Sigurbjörg J. Narby Helgadóttir - [email protected]

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira