Hoppa yfir valmynd
HeilbrigðisþjónustaHöfuðborgarsvæðiðLandspítali

Hjúkrunarfræðingur - Áhugavert starf í góðu starfsumhverfi

Hjúkrunarfræðingur - Áhugavert starf í góðu starfsumhverfi

Ertu góður liðsmaður og langar þig að starfa í starfsumhverfi þar sem ríkir góður starfsandi og áhersla er á samvinnu, virðingu og jákvætt og hvetjandi starfsumhverfi?

Við leitum eftir hjúkrunarfræðingi til starfa í okkar góða hóp á bráðaöldrunarlækningadeild B-4 Fossvogi og sækjumst eftir bæði reynsluboltum sem og nýútskrifuðum. Deildin er 22 rúma og er meginstarf deildarinnar greining og meðferð bráðra sjúkdóma hjá öldruðum. Markvisst er unnið að umbótum í starfi og umhverfi og höfum við lagt áherslu á byltuvarnir, sýkingavarnir og fyrirbyggingu lyfjaatvika. 

Á deildinni starfa um 50 manns í þverfaglegu teymi. Við leggjum okkur fram við að þjónustan við skjólstæðinga okkar sé til fyrirmyndar, öryggi þeirra sé tryggt og að þeim sé sýnd hlýja og umhyggja. Í boði er góð aðlögun með reyndum hjúkrunarfræðingum. 

Unnið er á þrískiptum vöktum og er starfshlutfall samkomulag. Upphaf starfs er samkomulag en æskilegt að umsækjandi geti hafið störf sem fyrst. 

Vinnuvika starfsfólks í vaktavinnu er nú 36 stundir sem getur orðið minni eftir samsetningu vakta. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.

Landspítali styður nýútskrifaða hjúkrunarfræðinga í starfi með markvissri handleiðslu og fræðslu, samhliða starfi í  formi starfsþróunarárs Landspítala.

Helstu verkefni og ábyrgð

  • Ákveður, skipuleggur og veitir hjúkrunarmeðferð í samráði við skjólstæðinga og ber ábyrgð á meðferð
  • Veitir fræðslu til sjúklinga og aðstandenda
  • Þátttaka í teymisvinnu

Hæfniskröfur

  • Íslenskt hjúkrunarleyfi
  • Áhugi á hjúkrun aldraðra
  • Jákvætt viðmót og góðir samskiptahæfileikar 
  • Sjálfstæði í vinnubrögðum og faglegur metnaður

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Tekið er mið af jafnréttisstefnu Landspítala við ráðningar á spítalanum.

Umsókn skal fylgja náms- og starfsferilskrá ásamt afriti af prófskírteinum og starfsleyfi. Öllum umsóknum verður svarað. 

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. 

Starfsmerkingar: Heilbrigðisþjónusta, hjúkrunarfræðingur

Starfshlutfall er 50-100%

Umsóknarfrestur er til og með 22.09.2021

Nánari upplýsingar veitir

Sólbjörg Sólversd. Vestergaard - [email protected] - 620 1695
Bára Benediktsdóttir - [email protected] - 543 1787

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira