Hoppa yfir valmynd
HeilbrigðisþjónustaHöfuðborgarsvæðiðLandspítali

Sjúkraliði - Gefandi starf í þjónustu fyrir aldraða á Landakoti

Sjúkraliði - Gefandi starf í þjónustu fyrir aldraða á Landakoti

Öldrunarlækningadeild á Landakoti vill ráða til sín sjúkraliða sem hafa áhuga á að sinna öldruðum. Um er að ræða deildirnar L4 og L5 sem eru sérhæfðar meðferðar- og endurhæfingardeildir sem eru opnar sjö daga vikunnar allt árið. Á deildunum er annars vegar veitt sérhæfð meðferð fyrir einstaklinga með sjúkdóma sem valda skerðingu á heilastarfsemi og hins vegar endurhæfing.

Á deildinni starfa um 55 manns í þverfaglegu teymi. Góður starfsandi er ríkjandi sem einkennist af vinnugleði og metnaði og markvisst er unnið að umbótum og framþróun. Starfshlutfall er samkomulag og eru störfin laus nú þegar eða eftir nánara samkomulagi. 

Vinnuvika starfsfólks í vaktavinnu er nú 36 stundir sem getur orðið minni eftir samsetningu vakta. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.

Helstu verkefni og ábyrgð

  • Sérhæfð hjúkrun sjúklinga í samvinnu við aðra fagaðila
  • Þátttaka í endurhæfingu sjúklinga
  • Þátttaka í teymisvinnu
  • Stuðlar að góðum samstarfsanda

Hæfniskröfur

  • Íslenskt sjúkraliðaleyfi
  • Faglegur metnaður og ábyrgð í starfi
  • Jákvætt viðhorf og samskiptahæfileikar
  • Íslenskukunnátta

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Sjúkraliðafélag Íslands hafa gert.

Tekið er mið af jafnréttisstefnu Landspítala við ráðningar á spítalanum.

Umsókn skal fylgja náms- og starfsferilskrá ásamt afriti af prófskírteinum og starfsleyfi. Öllum umsóknum verður svarað. 

Landspítali er lifandi og fjölbreyttur vinnustaður þar sem rúmlega 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. 

Starfsmerkingar: Heilbrigðisþjónusta, sjúkraliði 

Starfshlutfall er 50-100%

Umsóknarfrestur er til og með 22.09.2021

Nánari upplýsingar veitir

Gunnhildur María Kildelund - [email protected] - 825 9576/ 543 9886

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira