Hoppa yfir valmynd
HeilbrigðisþjónustaHöfuðborgarsvæðið

Hjúkrunarfræðingur á lyflækningadeild B7 í Fossvogi

Hjúkrunarfræðingur á lyflækningadeild B7 í Fossvogi

Hjúkrunarfræðingar óskast til starfa á lyflækningadeild B7 í Fossvogi. Starfshlutfall er samkomulag, unnið er í vaktavinnu og eru störfin laus nú þegar eða eftir nánara samkomulagi. 

Deildin er 16 rúma bráðalegudeild almennra lyflækninga og einnig sérhæfð bráðadeild fyrir gigtarsjúklinga. Á deildinni starfa um 70 manns í þverfaglegu teymi. Góður starfsandi er ríkjandi sem einkennist af vinnugleði og metnaði og markvisst er unnið að umbótum og framþróun. Við sækjumst bæði eftir hjúkrunarfræðingum sem búa yfir þekkingu og reynslu sem og nýútskrifuðum hjúkrunarfræðingum. Í boði er einstaklingsbundin aðlögun undir leiðsögn reyndra hjúkrunarfræðinga. 

Áhugasömum er velkomið að hafa samband við Rögnu Maríu, deildarstjóra og Rut, aðstoðardeildarstjóra. 

Landspítali styður nýútskrifaða hjúkrunarfræðinga í starfi með markvissri handleiðslu og fræðslu, samhliða starfi í formi starfsþróunarárs Landspítala.

Helstu verkefni og ábyrgð

  • Sérhæfð hjúkrun gigtarsjúklinga og annarra sjúklinga deildarinnar
  • Skipuleggja hjúkrun sjúklinga og skrá meðferðir í samræmi við reglur spítalans
  • Fylgjast með nýjungum í faginu
  • Þátttaka í þverfaglegri teymisvinnu
  • Þátttaka í þróun og umbótum í starfsemi deildarinnar

Hæfniskröfur

  • Íslenskt hjúkrunarleyfi
  • Faglegur metnaður
  • Góð samskiptahæfni, jákvætt viðhorf og frumkvæði 
  • Sjálfstæði í vinnubrögðum sem og færni til að starfa í teymi

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Tekið er mið af jafnréttisstefnu Landspítala við ráðningar á spítalanum.

Umsókn skal fylgja náms- og starfsferilskrá ásamt afriti af prófskírteinum og starfsleyfi. Öllum umsóknum verður svarað. 

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. 

Starfsmerkingar: Heilbrigðisþjónusta, hjúkrunarfræðingur

Starfshlutfall er 60-100%

Umsóknarfrestur er til og með 30.09.2021

Nánari upplýsingar veitir

Ragna María Ragnarsdóttir - [email protected] - 825 5080
Rut Tryggvadóttir - [email protected] - 825 9309

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira