Hoppa yfir valmynd
HeilbrigðisþjónustaHöfuðborgarsvæðiðLandspítali

Hjúkrunarfræðingur - næturvaktir á Landspítala við Klepp

Hjúkrunarfræðingur - næturvaktir á Landspítala við Klepp

Hefur þú áhuga á geðhjúkrun og viltu vinna á næturvöktum í 35-60% starfshlutfalli? 

Við sækjumst eftir hjúkrunarfræðingi með framúrskarandi samskipta- og skipulagshæfni til starfa á Landspítala við Klepp. Möguleiki er á hærra starfshlutfalli á morgun- og kvöldvöktum með starfi á sérhæfðri endurhæfingargeðdeild. 

Geðdeildir á Landspítala við Klepp samanstanda af endurhæfingargeðdeildum og öryggis- og réttargeðdeild þar sem sinnt er sérhæfðri meðferð fyrir fólk með alvarlega geðsjúkdóma. Meðferðarnálgun er fjölþætt og ræðst af þörfum og getu hvers einstaklings að því markmiði að endurhæfa skjólstæðingana aftur út í samfélagið. 

Helstu verkefni og ábyrgð

  • Skipuleggja og forgangsraða störfum sínum með tilliti til þarfa sjúklinga
  • Ákveða, skipuleggja og veita hjúkrunarmeðferð í samráði við skjólstæðinga
  • Bera ábyrgð á meðferð og öryggisþáttum, samkvæmt starfslýsingu 

Hæfniskröfur

  • Íslenskt hjúkrunarleyfi 
  • Framhaldsnám í geðhjúkrun eða skyldum greinum er kostur 
  • Starfsreynsla er æskileg
  • Hæfni til að vinna sjálfstætt og í samvinnu við aðra meðferðaraðila
  • Reynsla af þverfaglegu samstarfi og teymisvinnu æskileg
  • Sveigjanleiki og lipurð í mannlegum samskiptum
  • Góð almenn tölvukunnátta og færni í mæltu og rituðu máli

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Tekið er mið af jafnréttisstefnu Landspítala við ráðningar á spítalanum. 

Umsókn fylgi náms- og starfsferilskrá ásamt afriti af prófskírteinum og starfsleyfi. Öllum umsóknum verður svarað.  

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, hjúkrunarfræðingur

Starfshlutfall er 35-100%

Umsóknarfrestur er til og með 30.09.2021

Nánari upplýsingar veitir

Sylvía Rós Bjarkadóttir - [email protected] - 543 4212
Sigríður Edda Hafberg - [email protected] - 543 4453

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira