Hoppa yfir valmynd
Kennsla og rannsóknirHöfuðborgarsvæðiðHáskóli Íslands

Lektor í endurhæfingarlæknisfræði

Lektor í endurhæfingarlæknisfræði

Laust er til umsóknar 25% starf lektors í endurhæfingarlæknisfræði við Læknadeild Háskóla Íslands.

Forsenda fyrir ráðningu í starf lektors er að viðkomandi sé jafnframt ráðinn á endurhæfingardeild Landspítala eða á Reykjalund endurhæfingu og hafi þar aðstöðu til að sinna klínískri kennslu læknanema.

Helstu verkefni og ábyrgð

Sem lektor mun sá sem ráðinn verður uppfylla sína kennsluskyldu, þ.m.t. klínísk kennsla á Landspítala eða Reykjalundi samhliða starfi þar. Þá stundar hann rannsóknir í sinni sérgrein.

Við ráðningu verður miðað við, að sá er starfið hlýtur falli sem best að aðstæðum og þörfum Læknadeildar.

Hæfniskröfur

  • Umsækjendur skulu hafa lokið doktorsprófi á fræðasviðinu eða hafa þekkingu og reynslu í samræmi við alþjóðleg viðmið fyrir viðkomandi starfsheiti á fræðasviðinu, staðfest með áliti dómnefndar
  • Sérfræðileyfi í endurhæfingarlækningum og starfi á því sviði
  • Rannsóknavirkni á fræðasviðinu, sjálfstæði og frumkvæði í rannsóknum
  • Reynsla af háskólakennslu, fræðilegri og klíniskri
  • Reynsla af leiðbeiningu til æðri háskólagráðu er æskileg
  • Stjórnunarreynsla er æskileg
  • Reynsla af öflun styrkja til rannsóknarstarfa er kostur
  • Góð samstarfshæfni og lipurð í mannlegum samskiptum

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Ráðið verður í starfið til fimm ára, með möguleika á ótímabundinni ráðningu að þeim tíma liðnum sbr. 3. mgr. 31. gr. reglna fyrir Háskóla Íslands nr. 569/2009. 

Um meðferð umsókna, mat á hæfi umsækjenda og ráðningu í starfið er farið eftir ákvæðum laga nr. 85/2008 um opinbera háskóla og reglna um Háskóla Íslands nr. 569/2009.

Gert er ráð fyrir að sá sem ráðinn verður í starfið sé samhliða í starfi við Háskóla Íslands og jafnframt við Landspítala eða Reykjalund, en hafi ráðningarsamning við hvora stofnun fyrir sig, sbr. samstarfssamning stofnananna frá 3. desember 2012, sjá nánar hér

Umsækjendur skulu láta eftirfarandi gögn fylgja umsókn sinni:

  • Kynningarbréf þar sem m.a. kemur fram hvernig umsækjandi uppfyllir hæfniskröfur
  • Prófskírteini eða eftir atvikum vottorð um námsferil
  • Akademíska ferilskrá (Curriculum Vitae)
  • Ritaskrá
  • Skýrslu um vísindastörf og önnur störf sem þeir hafa unnið
  • Greinargerð um rannsóknar- og kennsluáform ef til ráðningar kemur
  • Upplýsingar um mögulega umsagnaraðila sem hafa má samband við

    Í umsókn skal koma fram hver ritverka sinna, allt að átta talsins, umsækjandi telur veigamest með tilliti til þess starfs sem um ræðir. Umsækjandi sendir eingöngu þessi ritverk sín með umsókn eða vísar til þess hvar þau eru aðgengileg á rafrænu formi. Þegar fleiri en einn höfundur stendur að innsendu ritverki skulu umsækjendur gera grein fyrir framlagi sínu til verksins. Umsóknargögnum sem ekki er hægt að skila rafrænt skal skila í tvíriti til vísinda- og nýsköpunarsviðs Háskóla Íslands, Sæmundargötu 2, 102 Reykjavík.

Gert er ráð fyrir að ofangreint starf verði veitt frá 1. janúar 2022 enda verði störfum nefnda, sem um málið fjalla, þá lokið.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests. 

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2. 

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

Heilbrigðisvísindasvið er eitt af fimm fræðasviðum Háskóla Íslands. Innan sviðsins eru sex deildir; Hjúkrunarfræðideild, Lyfjafræðideild, Læknadeild, Matvæla- og næringarfræðideild, Sálfræðideild og Tannlæknadeild. Starfsmenn sviðsins eru um 300 og nemendur um 2200.

Háskóli Íslands er stærsta kennslu-, rannsókna- og vísindastofnun Íslands og eini skólinn hérlendis sem er á báðum virtustu matslistunum yfir bestu háskóla heims, Times Higher Education World University Rankings og Shanghai Ranking.

Starfshlutfall er 25%

Umsóknarfrestur er til og með 20.10.2021

Nánari upplýsingar veitir

Þórarinn Guðjónsson - [email protected]
Karl Kristjánsson - [email protected]

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira