Hoppa yfir valmynd
Kennsla og rannsóknirHöfuðborgarsvæðiðHáskóli Íslands

Doktorsnemi í tölfræði við Verkfræði- og náttúruvísindasvið, Háskóla Íslands

Doktorsnemi í tölfræði við Verkfræði- og náttúruvísindasvið, Háskóla Íslands

Námsbraut í stærðfræði við Raunvísindadeild auglýsir eftir doktorsnema í tölfræði vegna verkefnisins: Tölfræðileg skölun á hámarksúrkomu á klukkustundarskala frá veðurfræðilíkani á þéttu landfræðilegu neti. Verkefnið er styrkt til þriggja ára.

Helstu verkefni og ábyrgð

Markmið verkefnisins er að þróa tölfræðilíkan sem skilar sviðsmyndum af hágildum staðbundinnar úrkomu miðað við væntanlegar loftlagsbreytingar. Tölfræðilíkanið sameinar úttak frá loftslagslíkani með háa upplausn í tíma og rúmi og sögulegar mælingar á úrkomu á sama skala, og mun veita áður óþekktar upplýsingar um hágildisúrkomu á klukkustundarskala.

Doktorsneminn mun vinna með sérfræðingum í Bayesískri tölfræði, í hágildisfræðum (e. extreme value theory) og í veðurfræði. Sérfræðingarnir koma frá Háskóla Íslands, the United Kingdom Meteorological Office, University of Exeter, Newcastle University og the King Abdullah University of Science and Technology. Doktorsneminn mun leika lykilhlutverk við að þróa nýjar tölfræðiaðferðir fyrir hámarksúrkomu á klukkustundarskala á þéttu neti. Sérfræðingar í teyminu hafa fullan aðgang að þeim úrkomugögnum sem þörf er á. 

Nákvæm lýsing á verkefninu er að finna undir:

https://notendur.hi.is/birgirhr/extreme_precipitation_project_2022.pdf

Hæfniskröfur

  • Meistarapróf í tölfræði, reiknivísindum (e. data science) eða skyldu fagi.
  • Reynsla af greiningu á veðurfarsgögnum er kostur.
  • Reynsla af forritun, t.d. í R.
  • Góð tök á ensku í bæði töluðu og rituðu máli.
  • Sjálfstæð vinnubrögð.
  • Góð hæfni í mannlegum samskiptum.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Æskilegt er að umsækjandi geti hafið störf í byrjun árs 2022. Verkefnið er til þriggja ára og er styrkt af Doktorssjóði Háskóla Íslands. Í framhaldi af ráðningu þarf að sækja formlega um doktorsnám við Háskóla Íslands.

Með umsókninni skal fylgja bréf þar sem umsækjandi lýsir af hverju hann eða hún hefur áhuga á verkefninu og hvað hann eða hún telur sig hafa fram að færa við mótun og vinnslu verkefnisins. Bréfið skal vera tvær til þrjár blaðsíður að lengd. Umsókninni skal einnig fylgja, i) ferilskrá, ii) afrit af prófskírteinum (grunnnám og meistarapróf), iii) tvö meðmælabréf, og iv) vísindagreinar og ritgerðir umsækjanda. 

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands

Háskóli Íslands er gróskumikið þekkingarsamfélag og er fjölbreyttur og lifandi vinnustaður. Akademískt frelsi, fagmennska og jafnrétti eru gildi skólans og er mikið lagt upp úr sveigjanleika og þátttöku starfsmanna í uppbygginu náms og rannsókna við skólann. Á Verkfræði- og náttúruvísindasviði starfa um 390 manns við rannsóknir og kennslu á sviði verkfræði og náttúruvísinda. Starfsumhverfið er alþjóðlegt enda eykst sífellt hlutfall erlendra starfsmanna og nemenda við sviðið, en fjórðungur bæði starfsmanna og framhaldsnema eru erlendir. Á sviðinu eru um 2000 nemendur, þar af um fjórðungurinn framhaldsnemar. Verkfræði- og náttúruvísindasvið stærir sig af fjölbreytileika og umbótasinnuðu umhverfi þar sem þekkingaröflun og miðlun er í fyrirrúmi.

Starfshlutfall er 100%

Umsóknarfrestur er til og með 03.11.2021

Nánari upplýsingar veitir

Birgir Hrafnkelsson - [email protected] - 5254669

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira