Hoppa yfir valmynd
HeilbrigðisþjónustaHöfuðborgarsvæðiðLandspítali

Deildarstjóri / yfirljósmóðir meðgöngu- og sængurlegudeildar

Deildarstjóri / yfirljósmóðir meðgöngu- og sængurlegudeildar

Við sækjumst eftir kraftmiklum stjórnanda til að leiða og efla meðgöngu- og sængurlegudeild Landspítala. Á deildinni er veitt þjónusta við konur og börn eftir fæðingu sem og inniliggjandi konur sem þurfa sérhæft eftirlit á meðgöngu. Þar starfa um 70 manns  og er fagmennska og teymisvinna höfð að leiðarljósi. 

Deildarstjóri/ yfirljósmóðir er leiðtogi og hefur þríþætta ábyrgð sem stjórnandi, þ.e. faglega ábyrgð, starfsmannaábyrgð og fjárhagslega ábyrgð. Næsti yfirmaður er forstöðumaður kvenna- og barnaþjónustu. Starfshlutfall er 100% og veitist starfið frá 1. desember 2021 eða eftir samkomulagi. 

Helstu verkefni og ábyrgð

  • Fagleg ábyrgð á uppbyggingu, skipulagi og þróun starfseminnar, setur markmið um gæði og öryggi og tryggir eftirfylgni, í nánu samráði við aðra stjórnendur
  • Starfsmannaábyrgð, þ.e. ábyrgð á uppbyggingu mannauðs og daglegri stjórnun starfsmanna á deildinni í samráði við forstöðumann kvenna- og barnaþjónustu og mannauðsstjóra
  • Fjárhagsleg ábyrgð, þ.e. ábyrgð á rekstrarkostnaði deildarinnar í samráði við forstöðumann og fjármálastjóra kvenna- og barnaþjónustu

Hæfniskröfur

  • Íslenskt ljósmæðraleyfi skilyrði
  • Íslenskt hjúkrunarleyfi æskilegt
  • Starfsreynsla sem ljósmóðir/ hjúkrunarfræðingur skilyrði
  • Viðbótarmenntun á háskólastigi sem nýtist í starfi kostur
  • Viðbótarmenntun í ljósmóðurfræðum æskileg
  • Þekking og reynsla af öryggis-, gæða- og umbótastarfi
  • Færni í stjórnunarhlutverki, þ.e. faglegri ábyrgð, starfsmannaábyrgð og fjárhagslegri ábyrgð
  • Jákvætt lífsviðhorf, lausnamiðuð nálgun og framúrskarandi leiðtoga- og samskiptahæfileikar
  • Frumkvæði, drifkraftur og stefnumótandi hugsun

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Ljósmæðrafélag Íslands hafa gert.

Vegna tímabundins niðritíma í ráðningarkerfinu sunnudaginn 17.10.2021 verður umsóknarfrestur framlengdur til og með 20.10.2021.

Tekið er mið af jafnréttisstefnu Landspítala við ráðningar á spítalanum. 

Í umsóknarformið skal skrá inn upplýsingar um: 

  • Fyrri störf, menntun og hæfni
  • Félagsstörf og umsagnaraðila 

Nauðsynleg fylgiskjöl: 

  • Vottað afrit af prófskírteinum og starfsleyfum
  • Ferilskrá ásamt kynningarbréfi með rökstuðningi fyrir hæfni og sýn á starfið 

 Ákvörðun um ráðningu í starfið byggist á innsendum gögnum og viðtölum. Öllum umsóknum verður svarað. 

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfsmerkingar: Heilbrigðisþjónusta, Yfirljósmóðir, ljósmóðir, deildarstjóri

Starfshlutfall er 100%

Umsóknarfrestur er til og með 20.10.2021

Nánari upplýsingar veitir

Dögg Hauksdóttir - [email protected] - 825 2436
Hrönn Harðardóttir - [email protected] - 897 5600

Mikilvægar leiðbeiningar til umsækjenda um starf yfirljósmóður

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira