Hoppa yfir valmynd
HeilbrigðisþjónustaHöfuðborgarsvæðiðLandspítali

Jafningi - Nýtt starf á Laugarásnum meðferðargeðdeild og sérhæfðri endurhæfingargeðdeild

Jafningi - Nýtt starf á Laugarásnum meðferðargeðdeild og sérhæfðri endurhæfingargeðdeild

Laugarásinn meðferðargeðdeild og sérhæfð endurhæfingargeðdeild auglýsa laus til umsóknar spennandi og þroskandi hlutastörf fyrir áhugasama. Um er að ræða nýtt starf innan spítalans, jafningi (peer supporter). Unnið er að mestu á dagvöktum, en vinnutími er sveigjanlegur. Leitum að tveimur til þremur starfsmönnum, störfin eru laus nú þegar.

Á Laugarásnum eru 7 sólarhringspláss en að stærstum hluta er starfsemi deildarinnar dagdeild þar sem um 100 einstaklingar sækja þjónustu. Þar er unnið fjölbreytt og sérhæft starf í snemmíhlutun geðrofssjúkdóma fyrir einstaklinga á aldrinum 18-35 ára. 

Sérhæfð endurhæfingargeðdeild er lokuð 10 rúma deild, staðsett á Kleppi. Deildin þjónustar aðallega einstaklinga með geðrofssjúkdóma og fíknivanda, flesta á aldrinum 18-40 ára. Á deildinni er unnið sérhæft og fjölbreytt starf sem miðar að bata og markmiði að hjálpa einstaklingum aftur út í samfélagið og auka lífsgæði þeirra.

Starfsemi deildanna einkennist af góðum starfsanda, virkri og stöðugri framþróun. 

Við leitum eftir jákvæðum og ábyrgum einstaklingi með framúrskarandi samskiptahæfni. Viðkomandi þarf að hafa persónulega reynslu af andlegum áskorunum, sem hann er tilbúinn að nýta í sínu starfi. Einnig áhuga á að taka þátt í að móta starfið og á þjónustu við unga einstaklinga sem sækja endurhæfingu á deildunum.

Helstu verkefni og ábyrgð

  • Vinna með ungum einstaklingum með byrjandi geðrofssjúkdóm
  • Veita jafningjastuðning og stuðla að valdeflingu
  • Auka vægi og þróa aðkomu jafningja í starfseminni
  • Virk þátttaka í þverfaglegu samstarfi
  • Þekkja og miðla öðrum úrræðum í nærumhverfi
  • Ýmis fjölbreytt og mikilvæg verkefni sem starfsemi deildarinnar felur í sér

Hæfniskröfur

  • Reynsla af andlegum áskorunum og vilji til að miðla henni í starfi sem jafningi
  • Áhugi á geðheilbrigðismálum
  • Faglegur metnaður, sjálfstæði í starfi, skipulagshæfni og öguð vinnubrögð
  • Góð samstarfshæfni, færni í samskiptum, skapandi hugsun og frumkvæði í starfi, stundvísi og reglusemi
  • Reynsla sem notandi geðheilbrigðisþjónustu og þekking á batastefnu/ valdeflingu er kostur
  • Íslenskukunnátta skilyrði, önnur tungumálakunnátta er kostur
  • Góð almenn tölvukunnátta og færni í mæltu og rituðu máli

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Tekið er mið af jafnréttisstefnu Landspítala við ráðningar á spítalanum. 

Umsókn fylgi náms- og starfsferilskrá. Öllum umsóknum verður svarað. 

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. 

Starfsmerkingar: Heilbrigðisþjónusta, ráðgjafi/ stuðningsfulltrúi, starfsmaður

Starfshlutfall er 30-50%

Umsóknarfrestur er til og með 20.10.2021

Nánari upplýsingar veitir

Sandra Sif Gunnarsdóttir - [email protected] - 825 5846
Margrét Manda Jónsdóttir - [email protected] - 824 6035

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira