Hoppa yfir valmynd
HeilbrigðisþjónustaHöfuðborgarsvæðiðLandspítali

Félagsráðgjafi við blóð- og krabbameinslækningadeildir

Félagsráðgjafi við blóð- og krabbameinslækningadeildir

Við leitum að öflugum liðsmanni í hóp félagsráðgjafa við blóð- og krabbameinslækningadeildir Landspítala. Meginverkefnið er að veita sjúklingum og fjölskyldum þeirra félagsráðgjafameðferð og stuðning til þess að takast á við sálfélagslegar afleiðingar krabbameina. Um er að ræða áhugavert starf með margvíslegum möguleikum á starfsþróun. Starfshlutfall er 100%, unnið er í dagvinnu. Æskilegt að umsækjandi geti hafið störf sem fyrst eða eftir nánara samkomulagi.

Við félagsráðgjöf starfa um 50 félagsráðgjafar í þverfaglegum teymum og í nánu samstarfi við aðra starfsmenn spítalans. Lögð er áhersla á þverfaglega teymisvinnu, fjölskyldumiðaða nálgun og gagnreynd vinnubrögð.

Vinnuvika starfsfólks í fullri dagvinnu er nú 36 stundir. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf. 

Helstu verkefni og ábyrgð

Á blóð- og krabbameinslækningadeildum fer fram greining og meðferð sjúklinga með blóðsjúkdóma og krabbamein. Verkefni félagsráðgjafa felast fyrst og fremst í að veita sjúklingum og fjölskyldum þeirra félagsráðgjafameðferð þ.e. stuðning, upplýsingar og viðtöl vegna breytinga sem verða í kjölfar veikindanna.

Hæfniskröfur

  • Íslenskt starfsleyfi félagsráðgjafa
  • Fjölbreytt starfsreynsla á sviði félags- og/ eða heilbrigðisþjónustu
  • Þekking og reynsla af því að vinna með fjölskyldum
  • Framúrskarandi hæfni í samskiptum og þverfaglegri teymisvinnu
  • Frumkvæði, framsýni og metnaður í starfi

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félagsráðgjafafélag Íslands hafa gert.

Vegna tímabundins niðritíma í ráðningarkerfinu sunnudaginn 17.10.2021 verður umsóknarfrestur framlengdur til og með 25.10.2021.

Tekið er mið af jafnréttisstefnu Landspítala við ráðningar á spítalanum. 

Umsókn fylgi náms- og starfsferilskrá ásamt afriti af prófskírteinum og starfsleyfi. Öllum umsóknum verður svarað.

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

 Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. 

Starfsmerkingar: Heilbrigðisþjónusta, félagsráðgjafi

Starfshlutfall er -100%

Umsóknarfrestur er til og með 25.10.2021

Nánari upplýsingar veitir

Gunnlaug Thorlacius - [email protected] - 543 4452/ 825 5071
Anna Dóra Sigurðardóttir - [email protected] - 543 9514/ 824 5957

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira