Hoppa yfir valmynd
Önnur störfHöfuðborgarsvæðiðLandspítali

Ertu þjónustulundaður reddari?

Ertu þjónustulundaður reddari?

Þjónustusvið Landspítala óskar eftir að ráða íhlaupamann í tímavinnu hjá flutningsþjónustu spítalans. Starfið heyrir undir þjónustudeild aðfanga og umhverfis á þjónustusviði. Í deildinni starfa um 70 manns að fjölbreyttri og mikilvægri þjónustu við deildir, sjúklinga og gesti spítalans. Starfsmenn þjónustudeildar starfa eftir þjónustustefnu þar sem markmiðið er að vera til fyrirmyndar í þjónustu.

Starfið er laust nú þegar og felur í sér góða hreyfingu og mikil samskipti við starfsmenn spítalans og sjúklinga. Unnið er í tímavinnu en viðkomandi verður á skrá hjá flutningaþjónustunni og er kallaður inn eftir þörfum á dagvinnutíma, stundum með stuttum fyrirvara. Starfið felst í afleysingum og hentar þeim sem hafa sveigjanlegan tíma, til að mynda námsmönnum og þeim sem hafa minnkað við sig vinnu. 

Helstu verkefni og ábyrgð

  • Flutningur á sjúklingum milli deilda
  • Flutningur á sýnum, pósti, hraðsendingum, blóðeiningum o.fl.
  • Móttaka flutningsbeiðna og útdeiling verkefna
  • Sótthreinsun og uppábúningur rúma
  • Önnur tilfallandi verkefni

Hæfniskröfur

  • Hæfni í mannlegum samskiptum
  • Mikil þjónustulund
  • Góð íslenskukunnátta
  • Samviskusemi í störfum og mætingu
  • Bílpróf og reynsla á beinskiptum bíl skilyrði 

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Vegna tímabundins niðritíma í ráðningarkerfinu sunnudaginn 17.10.2021 verður umsóknarfrestur framlengdur til og með 21.10.2021.

Tekið er mið af jafnréttisstefnu Landspítala við ráðningar á spítalanum. 
Umsókn fylgi náms- og starfsferilskrá. Öllum umsóknum verður svarað. 

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. 

Starfsmerkingar: Heilbrigðisþjónusta, starfsmaður, sérhæfður starfsmaður, flutningsþjónusta

Starfshlutfall er 10-30%

Umsóknarfrestur er til og með 21.10.2021

Nánari upplýsingar veitir

Geir Þórðarson - [email protected] - 543 1830
Viktoría Jensdóttir - [email protected] - 543 1000

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira