Hoppa yfir valmynd
HeilbrigðisþjónustaHöfuðborgarsvæðiðLandspítali

Hjúkrunardeildarstjóri á gjörgæsludeild Landspítala Hringbraut

Hjúkrunardeildarstjóri á gjörgæsludeild Landspítala Hringbraut

Við leitum eftir öflugum leiðtoga með faglega hæfni og farsæla reynslu af stjórnun, rekstri og eflingu mannauðs til að leiða starfsemi gjörgæsludeildar Landspítala á Hringbraut. Hjúkrunardeildarstjóri þarf að búa yfir afburða hæfni í samskiptum og stuðla að teymisvinnu innan deildar og við aðra stjórnendur og samstarfsaðila. Deildarstjóri er yfirmaður hjúkrunar á deildinni, stjórnar daglegum rekstri og er leiðandi um hjúkrunarfræðileg málefni deildarinnar. 

Hjúkrunardeildarstjóri er leiðtogi og hefur þríþætta ábyrgð sem stjórnandi, þ.e.a.s. faglega ábyrgð, starfsmannaábyrgð og fjárhagslega ábyrgð. Næsti yfirmaður er forstöðumaður skurðstofu- og gjörgæslukjarna. Starfshlutfall er 100% og veitist starfið frá 1. janúar 2022 eða eftir samkomulagi.

Gjörgæsludeild við Hringbraut þjónar öllu landinu og er þar veitt almenn og sérhæfð gjörgæslumeðferð. Deildin sinnir fjölbreyttum sjúklingahóp og má þar nefna sjúklingum eftir stórar hjartaaðgerðir, stórar kviðarholsaðgerðir, sjúklingum sem þurfa stuðning með hjarta- og lungnavél og börnum sem þurfa á gjörgæslumeðferð að halda. Á deildinni eru samtals 10 gjörgæslu- og hágæslurými og starfa þar um 90 starfsmenn, þar á meðal hjúkrunarfræðingar, sjúkraliðar, sérhæfðir starfsmenn og skrifstofumenn. Deildin tilheyrir skurðstofu- og gjörgæslukjarna aðgerðasviðs og starfar náið með gjörgæsludeild í Fossvogi.

Helstu verkefni og ábyrgð

  • Fagleg ábyrgð á uppbyggingu, skipulagi og þróun starfseminnar, setur markmið um gæði og öryggi og tryggir eftirfylgni, í nánu samráði við aðra stjórnendur
  • Starfsmannaábyrgð, þ.e. ábyrgð á uppbyggingu mannauðs og daglegri stjórnun starfsmanna á deildinni í samráði við forstöðumann og mannauðsstjóra
  • Fjárhagsleg ábyrgð, þ.e. ábyrgð á rekstrarkostnaði deildarinnar í samráði við forstöðumann og fjármálastjóra
  • Hefur forystu um áframhaldandi uppbyggingu, skipulag og þróun gjörgæslumeðferðar inn í nýjan meðferðarkjarna
  • Starfar náið með deildarstjóra gjörgæsludeildar í Fossvogi og tekur öflugan þátt í starfi Gjörgæsluráðs kjarnans, sem í sitja deildarstjórar og yfirlæknar, með það að markmiði að samræma sem mest í starfsemi deildanna

Hæfniskröfur

  • Íslenskt hjúkrunarleyfi
  • Viðbótarmenntun á háskólastigi sem nýtist í starfi
  • Farsæl reynsla af stjórnun og rekstri
  • Leiðtogahæfni og áhugi og vilji til að leiða breytingar og umbætur
  • Farsæl reynsla af uppbyggingu og stýringu mannauðs
  • Mjög góð hæfni í samskiptum og jákvætt viðmót
  • Hæfni til að leiða teymi
  • Sýn og hæfni til að leiða faglega þróun hjúkrunar og gæða- og öryggismál
  • Frumkvæði og metnaður til að ná árangri 

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Tekið er mið af jafnréttisstefnu Landspítala við ráðningar á spítalanum. 

Í umsóknarformið skal skrá inn upplýsingar um: 

  • Fyrri störf, menntun og hæfni
  • Félagsstörf og umsagnaraðila 

Nauðsynleg fylgiskjöl: 

  • Vottað afrit af prófskírteinum og starfsleyfum
  • Ferilskrá ásamt kynningarbréfi með rökstuðningi fyrir hæfni og sýn á starfið 

 Ákvörðun um ráðningu í starfið byggist á innsendum gögnum og viðtölum. Öllum umsóknum verður svarað. 

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfsmerkingar: Heilbrigðisþjónusta, Yfirljósmóðir, ljósmóðir, deildarstjóri

Starfshlutfall er 100%

Umsóknarfrestur er til og með 25.10.2021

Nánari upplýsingar veitir

Sigurbergur Kárason - [email protected] - 824 5872
Elfa Hrönn Guðmundsdóttir - [email protected] - 691 7823

Mikilvægar leiðbeiningar til umsækjenda um starf yfirljósmóður

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira