Hoppa yfir valmynd
HeilbrigðisþjónustaNorðurlandSjúkrahúsið á Akureyri

Iðjuþjálfi við Sjúkrahúsið á Akureyri

Iðjuþjálfi við Sjúkrahúsið á Akureyri

Laus er til umsóknar 70% staða iðjuþjálfa við sjúkrahúsið á Akureyri, staðsett á Kristnesi. Staðan er laus frá 1. janúar 2022.

Við Sjúkrahúsið á Akureyri fer iðjuþjálfun fram á tveimur starfsstöðvum, í aðalbyggingu en þar er iðjuþjálfun tengd bráðadeildum og við Kristnesspítala við endurhæfingar- og öldrunarlækningadeild. Helstu verkefni iðjuþjálfa eru mat og þjálfun í athöfnum daglegs lífs, fjölskyldufundir, mat á þörf fyrir hjálpartæki og útvegun þeirra, heimilisathuganir fyrir útskrift og eftirfylgd. Iðjuþjálfi heldur fræðslu fyrir starfsfólk sjúkrahússins og sinnir beiðnum m.a. um mat og ráðgjöf á vinnuaðstöðu. 

Faglegur yfirmaður er Linda Aðalsteinsdóttir iðjuþjálfi.

Yfirmaður er Arna Rún Óskarsdóttir forstöðulæknir.

Helstu verkefni og ábyrgð

Staðan er fjölbreytt og gefur tækifæri til að takast á við margbreytileg og spennandi verkefni ásamt því að hafa áhrif á áframhaldandi uppbyggingu iðjuþjálfunar. Iðjuþjálfar eru ekki ráðnir á ákveðna starfsstöð og sinna, ef þörf þykir, verkefnum á Kristnesi og á bráðadeildum sjúkrahússins. Í gildi er starfssamningur milli SAk og Háskólans á Akureyri um kennslu, rannsóknir og endurmenntun. Verkleg kennsla nema í iðjuþjálfun fer fram á Sjúkrahúsinu á Akureyri. 

Hæfniskröfur

Umsækjendur þurfa að hafa BSc. próf í iðjuþjálfun og löggildingu til þess að starfa sem slíkur. Umsækjendur þurfa að búa yfir góðri hæfni til mannlegra samskipta og hafa hæfileika til að starfa sjálfstætt. Reynsla af starfi í endurhæfingu og umsýslu hjálpartækja er kostur.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Iðjuþjálfafélag Íslands hafa gert.

Umsóknum skal skilað rafrænt á vef sjúkrahússins www.sak.is
Umsóknum skulu fylgja ítarlegar upplýsingar um nám og starfsferil ásamt prófskírteinum og starfsleyfi.
Öllum umsóknum verður svarað þegar ákvörðun um ráðningu hefur verið tekin. 
Við ráðningar í störf er tekið mið af jafnréttisstefnu sjúkrahússins, sem er reyklaus
Gildi Sjúkrahússins á Akureyri eru: ÖRYGGI SAMVINNA FRAMSÆKNI. 
Sjúkrahúsið á Akureyri veitir alþjóðlega DNV-GL vottaða heilbrigðisþjónustu með ISO vottuðu gæðastjórnunarkerfi.
Áhersla er á virka þátttöku allra starfsmanna til að uppfylla þær gæðakröfur sem gerðar eru í alþjóðlegum staðli sem sjúkrahúsið er vottað eftir. 

Starfshlutfall er 70%

Umsóknarfrestur er til og með 22.10.2021

Nánari upplýsingar veitir

Arna Rún Óskarsdóttir - [email protected] - 463-0100
Linda Aðalsteinsdóttir - [email protected] - 463-0100

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira