Hoppa yfir valmynd
StjórnunarstörfHöfuðborgarsvæðiðFjarskiptastofa

Sviðsstjóri Stafræns öryggis

Sviðsstjóri Stafræns öryggis

Stafrænt öryggi er svið innan Fjarskiptastofu sem hefur það hlutverk að viðhafa eftirlit með net- og upplýsingaöryggi mikilvægra innviða og fjarskiptafyrirtækja. Starfsemin fer fram á grundvelli laga um öryggi net- og upplýsingakerfa mikilvægra innviða (NIS-lög), fjarskiptalaga og laga um Fjarskiptastofu. Þá leiðir sviðið hlutverk Fjarskiptastofu sem ráðgefandi samhæfingarstjórnvald á grundvelli NIS-laganna

Helstu verkefni og ábyrgð

Sviðsstjórinn mun leiða áframhaldandi uppbyggingu starfsemi stafræns öryggis í samstarfi við hóp sérfræðinga stofnunarinnar og hagaðila.  

Helstu faglegu atriði á starfssviði sviðsstjóra stafræns öryggis:

  • Umsjón og ábyrgð á starfsemi stafræns öryggis
  • Samskipti við hagaðila, fjölmiðla, aðila netumdæmisins á Íslandi og stjórnvöld
  • Þátttaka í þróun regluverks um netöryggi og stjórnkerfi upplýsingaöryggis
  • Þátttaka í alþjóðlegu samstarfi samhæfingarstjórnvalda

Hæfniskröfur

  • Háskólanám á sviði lögfræði,
  • Framhaldsmenntun á sviði Evrópuréttar nauðsynleg,
  • Framhaldsmenntun í fjarskiptarétti, netöryggi eða svipað er kostur,
  • Góð þekking á gæðastöðlum og netöryggi ásamt þekkingu á gerð áhættumats er nauðsynleg,
  • Reynsla af framkvæmd öryggisúttekta á sviði net- og upplýsingaöryggis er kostur,
  • Drifkraftur, frumkvæði, jákvæðni og metnaður til að ná árangri,
  • Hæfni til að vinna í hópi og leiða samvinnu og breytingar þar sem sjónarmið lögfræði og tækni mynda saman lausn,
  • Góð samskiptahæfni, bæði í rituðu og mæltu máli á íslensku og ensku,
  • Stjórnunarreynsla t.a.m. faglegra hópa er nauðsynleg,
  • Hreint sakavottorð og skal standast öryggisvottun á grundvelli varnamálalaga.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Stéttarfélag lögfræðinga hafa gert.

Í boði eru samkeppnishæf kjör í síbreytilegu og spennandi umhverfi, þar sem gerðar eru miklar fagkröfur. 

Umsóknarfrestur er til og með 19. október 2021. Gengið verður frá ráðningu fljótlega. 

Hlutverk Fjarskiptastofu er að stuðla að netöryggi ásamt hagkvæmri, öruggri og aðgengilegri fjarskiptaþjónustu og efla virka samkeppni á markaði. 

Fjarskiptastofa starfar í síbreytilegu alþjóðlegu umhverfi og hvílir starfsemin annars vegar á alþjóðlegri þróun í fjarskiptum, upplýsingatækni og netöryggi og hins vegar á lagagrundvelli EES svæðisins. Flestir starfsmenn Fjarskiptastofu taka þátt í alþjóðlegum verkefnum.  

Hjá Fjarskiptastofu starfa hátt í 40 manns, aðallega sérfræðingar við úrlausn verkefna á sviði netöryggis, tæknimála, viðskipta og laga sem tengjast hlutverki stofnunarinnar.  

Fjarskiptastofa hvetur einstaklinga af öllum kynjum til að sækja um starfið. Umsóknir gilda í 6 mánuði frá því að umsóknarfrestur rennur út. 

Sjá einnig á www.fjarskiptastofa.is   

Starfshlutfall er -100%

Umsóknarfrestur er til og með 19.10.2021

Nánari upplýsingar veitir

Hrafnkell Viðar Gíslason - [email protected] - 5101500

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira