Hoppa yfir valmynd
HeilbrigðisþjónustaNorðurlandSjúkrahúsið á Akureyri

Hjúkrunarfræðingar á skurðlækningadeild- starfsþróunarár

Hjúkrunarfræðingar á skurðlækningadeild- starfsþróunarár

Laus er til umsóknar 80-100% staða hjúkrunarfræðings á Skurðlækningadeild frá 01.01.2022 eða eftir samkomulagi en boðið verður upp á skipulagða starfsþóun fyrsta árið í starfi.

Starfsþróun er tilvalið tækifæri fyrir nýútskrifaða hjúkrunarfræðinga sem vilja kynnast hjúkrun innan skurðlækninga en ekki síður fyrir hjúkrunarfræðinga sem vilja breyta til í starfi og takast á við nýjar áskoranir í fjölbreyttu og krefjandi starfsumhverfi undir leiðsögn.

Starfsþróunaráætlunin nær yfir 10 mánaða tímabil. Markmið með áætluninni er að efla hæfni og þekkingu hjúkrunarfræðinga innan skurðlækninga sem og að auka gæði þeirrar þjónustu sem veitt er á deildinni.  

Tímabilinu er skipt upp í fimm, tveggja mánaðar lotur þar sem starfsmaður fær svigrúm og stuðning frá leiðbeinenda við að afla sér þekkingar og rýna í verkferla til þess að stuðla að faglegri þróun. Veittir verða les-/ verkefnadagar ásamt því að starfsmanni verður gefin kostur á að aðlaga áætlunina að einhverju leiti eftir eigin áhugasviði.  

  • janúar-febrúar: Hjúkrun bæklunarsjúklinga: Flýtibati - ferli við gerviliði.
  • mars-apríl :  Hjúkrun sjúklinga tengt kviðarholsaðgerð - stóma
  • maí-júní: Sárameðferðir - loftbrjóst - sjúklingafræðsla
  • júlí - ágúst:
  • september-október: Hjúkrun og fræðsla e. aðgerð á kvenlíffærum

Skurðlækningadeildin er 20 rúma legudeild, einnig til heyrir einingunni Innritunarmiðstöð sem er dagdeild. Starfsemi deildarinnar er fjölbreytt þar sem að sérgreinar hennar eru margar en þær helstu eru: 

  • almennar skurðlækningar
  • æðaskurðlækningar
  • bæklunarlækningar
  • kvennsjúkdómalækningar
  • þvagfæraskurðlækningar
  • HNE lækningar

Á deildinni fer fram þverfagleg starfsemi fagstétta SAk sem stuðla að heildrænni meðferð skjólstæðinga hennar. Náið samstarf er með t.d. félagsráðgjöfum, sjúkra- og iðjuþjálfum.  

Þar sem starf deildarinnar er fjölbreytt er breið þekking er til staðar hjá starfandi hjúkrunarfræðingum. 
Á starfsþróunar árinu er unnið undir handleiðslu hjúkrunarfræðinga sem hafa sérþekkingu á ákveðnum sviðum í hjúkrun skurðsjúklinga. og er lögð áhersla á að hjúkrunarfræðingurinn öðlist þekkingu á sem flestum sviðum.  

Má þar nefna hjúkrun stómasjúklinga, meðhöndlun skurðsára, sárasogsmeðferð, meðferð með Topas thoraxdreni, flýtibata, ferli aðgerðasjúklinga, rafræna skráningu og fræðslu sjúklinga. Einnig verður áhersla lögð á hverja sérgrein fyrir sig. 

Staðan er laus frá 1. janúar n.k. eða eftir samkomulagi en um er að ræða vaktavinnu þar sem unnið er aðra hverja helgi. 

Næsti yfirmaður er Anna Lilja Filipsdóttir forstöðuhjúkrunarfræðingur á Skurðlækningadeild.  

Helstu verkefni og ábyrgð

Í starfinu felst ábyrgð á öllum almennum verkefnum hjúkrunarfræðinga samkvæmt lögum og reglugerðum. Einnig að unnið sé samkvæmt markmiðum hjúkrunar, deildarinnar og stofnunarinnar. Unnið er á þrískiptum vöktum í fjölbreyttu og krefjandi starfsumhverfi.

Hæfniskröfur

Umsækjandi skal hafa gilt íslenskt starfsleyfi sem hjúkrunarfræðingur. Lögð er áhersla á frumkvæði, sjálfstæð vinnubrögð og hæfileika í samskiptum og samvinnu.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsóknum skal skilað rafrænt á vef sjúkrahússins www.sak.is Umsóknum skulu fylgja ítarlegar upplýsingar um nám og starfsferil ásamt prófskírteinum og starfsleyfi. Öllum umsóknum verður svarað þegar ákvörðun um ráðningu hefur verið tekin. Gildi Sjúkrahússins á Akureyri eru: ÖRYGGI SAMVINNA FRAMSÆKNI. Við ráðningar í störf er tekið mið af jafnréttisstefnu sjúkrahússins, sem er reyklaus vinnustaður. Sjúkrahúsið veitir alþjóðlega DNV-GL vottaða heilbrigðisþjónustu með ISO vottuðu gæðastjórnunarkerfi. Áhersla er á virka þátttöku allra starfsmanna til að uppfylla þær gæðakröfur sem gerðar eru í alþjóðlegum stöðlum sem sjúkrahúsið er vottað eftir.

Starfshlutfall er 80-100%

Umsóknarfrestur er til og með 29.10.2021

Nánari upplýsingar veitir

Anna Lilja Filipsdóttir - [email protected] - 4630100
Erla Björnsdóttir - [email protected] - 4630100

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira