Hoppa yfir valmynd
SérfræðistörfHöfuðborgarsvæðiðBarnaverndarstofa

Sérfræðingur á meðferðar- og fóstursviði

Sérfræðingur á meðferðar- og fóstursviði

Barnaverndarstofa óskar eftir að ráða sérfræðing í fullt starf. Verkefni stofnunarinnar munu aukast til muna um næstkomandi áramót við gildistöku laga um samþættingu þjónustu í þágu farsældar barna nr. 86/2021 og laga um Barna- og fjölskyldustofu. Barnaverndarstofa í núverandi mynd verður lögð niður og Barna- og fjölskyldustofa tekur til starfa þann 1. janúar 2022 sem verður leiðandi í samþættri þjónustu við börn á landinu öllu.

Meðferðar- og fóstursvið stýrir skipulagi meðferðarstarfs, þjálfar verðandi fósturforeldra og metur umönnunar- og meðferðarþörf barna við afgreiðslu umsókna barnaverndarnefnda um fósturheimili og meðferð. Auk þess veitir sviðið barnaverndarnefndum, fósturforeldrum, meðferðaraðilum á vegum Barnaverndarstofu og öðrum fagaðilum ráðgjöf vegna meðferðar- og fósturmála. 

Helstu verkefni og ábyrgð

  • Mat á upplýsingum barnaverndarnefnda og annarra fagaðila um umönnunar- og meðferðarþörf barna við umfjöllun umsókna um viðeigandi þjónustu.
  • Afgreiðsla umsókna frá barnaverndarnefndum.
  • Samskipti og ráðgjöf við barnaverndarnefndir, fósturforeldra, meðferðaraðila á vegum Barnaverndarstofu og aðra fagaðila.

Hæfniskröfur

  • Krafa um meistarapróf eða sambærilegt próf af heilbrigðis- eða félagssviði.
  • Þekking og hæfni til að meta upplýsingar barnaverndarnefnda og annarra fagaðila um umönnunar- og meðferðarþörf barna.
  • Reynsla af fósturmálum og/eða meðferðarvinnu eða foreldrafærniþjálfun sem nýtist í starfi er æskileg.
  • Reynsla af barnaverndarstarfi er æskileg.

Persónulegir eiginleikar

  • Mikilvægt er að búa yfir hæfni til að vinna skipulega, markmiðatengt og lausnamiðað.
  • Lögð er áhersla á góða samstarfshæfni, sveigjanleika og jákvætt viðhorf til skjólstæðinga og samstarfsaðila.
  • Krafa um góða íslenskukunnáttu í rituðu og töluðu máli.
  • Krafa um góða enskukunnáttu og æskileg kunnátta í einu Norðurlandamáli.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Æskilegt er að viðkomandi geti hafið störf sem fyrst. Við úrvinnslu umsókna um störfin gildir mat Barnaverndarstofu á hæfni og eiginleikum umsækjenda. Vakin er athygli á að Barnaverndarstofa aflar sjálf upplýsinga úr sakaskrá áður en viðkomandi hefur störf hjá stofnuninni. Barnaverndarstofa hvetur alla til að sækja um, óháð kyni. Tekið er mið af jafnréttisáætlun Barnaverndarstofu við ráðningar á stofuna. 

Með umsókn skal fylgja ítarleg starfsferilskrá og kynningarbréf þar sem gerð er grein fyrir ástæðu umsóknar og hvernig viðkomandi uppfyllir þær hæfniskröfur sem gerðar eru. Öllum umsóknum verður svarað þegar ákvörðun um ráðningu hefur verið tekin. 

Starfshlutfall er 100%

Umsóknarfrestur er til og með 22.10.2021

Nánari upplýsingar veitir

Guðrún Þorleifsdóttir - [email protected] - 5302600

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira