Hoppa yfir valmynd
HeilbrigðisþjónustaHöfuðborgarsvæðiðLandspítali

Heilbrigðismenntaður starfsmaður með menntun og/ eða reynslu af fjölskyldumeðferð

Heilbrigðismenntaður starfsmaður með menntun og/ eða reynslu af fjölskyldumeðferð

Ertu áhugasamur hjúkrunarfræðingur, félagsráðgjafi, sálfræðingur eða iðjuþjálfi og viltu á að kynnast spennandi starfi í geðþjónustu Landspítala?

Við viljum ráða til starfa heilbrigðisstarfsmann í hlutverk málastjóra í samfélags- og göngudeildarteymi á meðferðareiningu geðrofssjúkdóma. Starfið býður upp á mörg spennandi tækifæri til starfsþróunar. Fyrirhugað er að breytingar verði á áherslum teymisins næstu mánuði og gefst málastjóra kostur á að taka þátt í uppbyggingu og þróun. Málastjórar spila lykilhlutverk í mótun framtíðarsýnar, eflingu meðferðar og endurhæfingu fyrir einstaklinga með alvarlega geðsjúkdóma. 

Meginverkefni teymisins er að veita fólki sem greinst hefur með alvarlega geðsjúkdóma og aðstandendum þeirra þverfaglega og einstaklingsmiðaða þjónustu. Þjónustan byggir á batamiðaðri hugmyndafræði og skaðaminnkandi nálgun. Markmið meðferðarinnar er að stuðla að bata, rjúfa félagslega einangrun og auka virkni og lífsgæði í daglegu lífi. 

Starfsemin er í stöðugri þróun og lögð er áhersla á virkt umbótastarf. Málastjórum standa til boða mikil tækifæri til vaxtar í starfi með markvissri handleiðslu og faglegum stuðningi. Lögð er áhersla á að allir málastjórar sæki námskeið í áhugahvetjandi samtalstækni. Í teyminu starfa læknar, hjúkrunarfræðingar, félagsráðgjafar, sálfræðingar, iðjuþjálfar, sjúkraliðar og ráðgjafar. Náið samstarf og samvinna er við velferðarþjónustu sveitafélaga, heilsugæslu og geðheilsuteymi heilsugæslunnar.

Hlutverk málastjóra er fjölbreytt og felst meðal annars í mati á þörfum einstaklings, mati á geðrænum einkennum og eftirfylgd, þróun meðferðaráætlana sem mæta þörfum hvers og eins og vöktun og mat á árangri þjónustunnar. Málastjóri ber ábyrgð á almennum þáttum meðferðarinnar, samskiptum við aðstandendur og heldur utan um þá meðferð og endurhæfingu sem einstaklingurinn þarf á að halda. 

Í geðþjónustu Landspítala er reynt að veita fjölskyldumiðaða þjónustu og stuðning við börn þeirra sem glíma við geðsjúkdóma. Áhersla er lögð á stuðning við einstaklinginn og fjölskyldu hans til að efla færni til að ná tökum á líðan og aðstæðum við breytt heilsufar eða aðrar breytingar. 

Starfshlutfall er 70-100%, dagvinna að mestu og er starfið laust nú þegar eða eftir nánara samkomulagi.  Gerð er krafa um heilbrigðismenntun sem nýtist í starfi, s.s. á sviði hjúkrunarfræði, félagsráðgjafar, iðjuþjálfunar og sálfræði.

Helstu verkefni og ábyrgð

  • Málastjórnun og þverfaglegt samstarf 
  • Virk þátttaka í þverfaglegri þjónustu og meðferð einstaklinga og aðstandenda
  • Virk þátttaka í framþróun, uppbyggingu þjónustunnar og umbótastarfi
  • Samskipti, hvatning, fræðsla, leiðbeiningar og heildrænn stuðningur
  • Ýmis fjölþætt verkefni og þátttaka í umbótastarfi

Hæfniskröfur

  • Íslenskt starfsleyfi sem heilbrigðisstarfsmaður t.d. á sviði hjúkrunarfræði, félagsráðgjafar, iðjuþjálfunar og sálfræði
  • Faglegur metnaður og ábyrgð í starfi sem og einlægur áhugi á að þjónusta og sinna einstaklingum með geðsjúkdóma
  • Framúrskarandi samskiptahæfni er skilyrði
  • Jákvætt hugarfar, metnaður og áhugi á að starfa í þverfaglegu teymi
  • Stundvísi og áreiðanleiki
  • Færni til að skipuleggja og forgangsraða verkefnum
  • Færni til að hafa góða yfirsýn yfir fjölþætt störf teymisins
  • Góð íslensku- og enskukunnátta er skilyrði

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn fylgi náms- og starfsferilskrá ásamt afriti af prófskírteinum og starfsleyfi.  Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum.

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, hjúkrunarfræðingur, hjúkrun félagsráðgjafi, iðjuþjálfi, sálfræðingur

Starfshlutfall er 70-100%

Umsóknarfrestur er til og með 28.10.2021

Nánari upplýsingar veitir

Margrét Manda Jónsdóttir - [email protected] - 824 6035
Gunnlaug Thorlacius - [email protected] - 825 5071

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira