Hoppa yfir valmynd
HeilbrigðisþjónustaHöfuðborgarsvæðiðLandspítali

Hjúkrunarfræðingur - Spennandi starf á meðferðareiningu geðrofssjúkdóma

Hjúkrunarfræðingur - Spennandi starf á meðferðareiningu geðrofssjúkdóma

Öflugur hjúkrunarfræðingur óskast til starfa í samfélags- og göngudeildarteymi á meðferðareiningu geðrofssjúkdóma á Landspítala. Í boði er spennandi starf og þátttaka í uppbyggingu og þróun þverfaglegs teymis á meðferðareiningu geðrofssjúkdóma á Landspítala. 

Fyrirhugað er að breytingar verði á áherslum teymisins næstu mánuði og gefst hjúkrunarfræðingi kostur á að taka þátt í uppbyggingu og þróun teymisins. Hjúkrunarfræðingar spila lykilhlutverk í mótun framtíðarsýnar, eflingu hjúkrunar, meðferðar og endurhæfingu fyrir einstaklinga með alvarlega geðrofssjúkdóma og innleiðingu málastjórnunar í teyminu. 

Meginverkefni teymisins er að veita fólki sem greinst hefur með alvarlega geðsjúkdóma og aðstandendum þeirra þverfaglega og einstaklingsmiðaða þjónustu. Þjónustan byggir á batamiðaðri hugmyndafræði og skaðaminnkandi nálgun. Markmið meðferðarinnar er að stuðla að bata, rjúfa félagslega einangrun og auka virkni og lífsgæði í daglegu lífi. Starfsemin er í stöðugri þróun og lögð er áhersla á virkt umbótastarf. Málastjórum standa til boða mikil tækifæri til vaxtar í starfi með markvissri handleiðslu og faglegum stuðningi. Lögð er áhersla á að allir málastjórar sæki námskeið í áhugahvetjandi samtalstækni. Í teyminu starfa læknar, hjúkrunarfræðingar, félagsráðgjafar, sálfræðingar, iðjuþjálfar, sjúkraliðar og ráðgjafar. Náið samstarf og samvinna er við velferðarþjónustu sveitafélaga, heilsugæslu og geðheilsuteymi heilsugæslunnar. 

Hlutverk málastjóra er fjölbreytt og felst meðal annars í mati á þörfum einstaklings, mati á geðrænum einkennum og eftirfylgd, þróun meðferðaráætlana sem mæta þörfum hvers og eins og vöktun og mat á árangri þjónustunnar. Málastjóri ber ábyrgð á almennum þáttum meðferðarinnar, samskiptum við aðstandendur og heldur utan um þá meðferð og endurhæfingu sem einstaklingurinn þarf á að halda. 

Stefnt er á að nýtt meistaranám í klínískri geðhjúkrun við Háskóla Íslands og Háskólann á Akureyri í samstarfi við geðþjónustu Landspítala hefjist haustið 2022. Í náminu verður lögð áhersla á klíníska þjálfun undir handleiðslu reyndra hjúkrunarfræðinga.

Starfshlutfall er 70-100%, dagvinna að mestu. Starfið er laust í nóvember 2021 eða eftir samkomulagi. 

Helstu verkefni og ábyrgð

  • Virk þátttaka í þverfaglegri þjónustu og meðferð skjólstæðinga teymis og aðstandenda
  • Málastjórnun, málsvarastarf og þverfaglegt samstarf
  • Samskipti, hvatning, fræðsla, leiðbeiningar og heildrænn stuðningur
  • Ýmis fjölþætt verkefni og þátttaka í umbótastarfi

Hæfniskröfur

  • Íslenskt hjúkrunarleyfi
  • Faglegur metnaður og ábyrgð í starfi sem og einlægur áhugi á geðhjúkrun
  • Framúrskarandi samskiptahæfni er skilyrði 
  • Jákvætt hugarfar, metnaður og áhugi á að starfa í þverfaglegu teymi
  • Stundvísi og áreiðanleiki
  • Færni til að skipuleggja og forgangsraða verkefnum 
  • Færni til að hafa góða yfirsýn yfir fjölþætt störf teymisins
  • Góð íslensku- og enskukunnátta er skilyrði 

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt afriti af prófskírteinum og starfsleyfi.  Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum.

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, hjúkrunarfræðingur, hjúkrun

Starfshlutfall er 70-100%

Umsóknarfrestur er til og með 27.10.2021

Nánari upplýsingar veitir

Margrét Manda Jónsdóttir - [email protected] - 824 6035
Sandra Sif Gunnarsdóttir - [email protected] - 825 5846

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira