Hoppa yfir valmynd
HeilbrigðisþjónustaHöfuðborgarsvæðiðLandspítali

Hjúkrunarfræðingur - Spennandi starf

Hjúkrunarfræðingur - Spennandi starf

Við á sérhæfðri endurhæfingargeðdeild óskum eftir hjúkrunarfræðingi í teymið okkar. Starfsumhverfið einkennist af vinnugleði, metnaði, skipulagi, sveigjanleika og einstökum starfsanda. Hér eru ótalmörg tækifæri til að vaxa í starfi og dýpka þekkingu sína á geðrofssjúkdómum, fíknivanda og stuðningi við aðstandendur. Vaktabyrgðin er hófleg og starfsumhverfið því fjölskylduvænt. Í boði eru næturvaktir sé óskað ef því.

Deildin er 10-11 rúma legudeild og sinnir meðferð ungmenna sem flest eru greind með geðrofssjúkdóma og fíknivanda. Rík áhersla er lögð á að styðja vel nánustu aðstandendur í innlögninni og veita hjúkrunarfræðingar í samráði við þverfaglegt teymi þann stuðning.

Markmið endurhæfingar er að endurhæfa skjólstæðinga aftur út í samfélagið. Lögð er áhersla á að unnið sé samkvæmt gagnreyndri þekkingu og viðurkenndum verkferlum. Unnið er út frá batamiðaðri stefnu þar sem skjólstæðingurinn er hafður í öndvegi og hans markmið höfð að leiðarljósi. Meðferðarstarf deildar einkennist af þverfaglegri teymisvinnu, fjölskyldustuðningi, skaðaminnkandi nálgun og batamiðaðri þjónustu.

Mikið er lagt upp með umbótaverkefni á deildinni þar sem allir starfsmenn deildar fá að koma sínum hugmyndum á framfæri og láta verða að veruleika. Starfsþróun skiptir miklu máli, lögð er áhersla á að starfsfólk deildar fái þjálfun hvað varðar meðferð og þjónustu sem veitt er á deildinni. Samtalsmeðferð er grunnur þjónustunnar á deildinni og fá allir þjálfun á því sviði. 

Landspítali styður nýútskrifaða hjúkrunarfræðinga í starfi með markvissri handleiðslu og fræðslu, samhliða starfi í formi starfsþróunarárs Landspítala.

Helstu verkefni og ábyrgð

  • Ákveða, skipuleggja og veita hjúkrunarmeðferð í samráði við skjólstæðinga og bera ábyrgð á meðferð samkvæmt starfslýsingu
  • Sinna málastjórahlutverki, veita samtalsmeðferð, vera málsvari og framfylgja þjónustu í samráði við skjólstæðinga og teymi

Hæfniskröfur

  • Íslenskt hjúkrunarleyfi 
  • Faglegur metnaður og farmúrskarandi samskiptahæfni skilyrði
  • Áhugi á geðhjúkrun og meðferðarstarfi
  • Íslenskukunnátta kostur

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Tekið er mið af jafnréttisstefnu Landspítala við ráðningar á spítalanum. 

Umsókn fylgi náms- og starfsferilskrá ásamt afriti af prófskírteinum og starfsleyfi. Öllum umsóknum verður svarað.  

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, hjúkrunarfræðingur, hjúkrun

Starfshlutfall er 70-100%

Umsóknarfrestur er til og með 28.10.2021

Nánari upplýsingar veitir

Sylvía Rós Bjarkadóttir - [email protected] - 620 1679
Margrét Manda Jónsdóttir - [email protected] - 824 6035

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira