Hoppa yfir valmynd
HeilbrigðisþjónustaHöfuðborgarsvæðiðLandspítali

Ráðgjafi/ stuðningsfulltrúi á sérhæfðri endurhæfingargeðdeild

Ráðgjafi/ stuðningsfulltrúi á sérhæfðri endurhæfingargeðdeild

Hefur þú áhuga á að starfa með ungu fólki? Við óskum eftir stuðningsfulltrúa/ ráðgjafa til starfa á sérhæfða endurhæfingargeðdeild (SEG) Kleppi. Á deildinni starfa um 28 manns og ríkir þar einstaklega góður starfsandi sem einkennist af vinnugleði, metnaði, skipulagi og sveigjanleika og ótal tækifæri eru til að vaxa í starfi. 

Deildin er 10-11 rúma legudeild og sinnir meðferð ungmenna sem flest eru greind með geðrofssjúkdóma og fíknivanda. Rík áhersla er lögð á að styðja vel við nánustu aðstandendur. Markmið endurhæfingar er að endurhæfa skjólstæðingana aftur út í samfélagið. Mikið er lagt upp úr því að virkja skjólstæðingana á allan mögulegan hátt á deildinni, úti í samfélaginu og í samstarfi við iðjuþjálfun og Batamiðstöð. Við tökum vel á móti nýju fólki og veitum góða einstaklingshæfða aðlögun. 

Vinnuvika starfsfólks í fullri vaktavinnu er nú 36 stundir og getur orðið minni eftir samsetningu vakta. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.

Helstu verkefni og ábyrgð

  • Virkur þátttakandi í teymi undir stjórn málastjóra
  • Fylgir sjúklingi eftir í daglegri virkni og framfylgir meðferðarsamningum og meðferðaráætlunum
  • Tekur þátt í innskriftarviðtali og öðrum fundum í samvinnu við teymið 
  • Tekur þátt í og sér um að fyrirliggjandi dagskrá deildar hverju sinni sé framfylgt, s.s. vettvangsferðir, sund, gönguferðir
  • Starfar af heilindum og í anda þess að deildarstarfið byggir á samvinnu þar sem mikilvægt er að sérhver starfsmaður fái að njóta þekkingar sinnar og færni, bera ábyrgð við hæfi og hafi möguleika á að þróa styrkleika sína
  • Stuðlar að góðum samstarfsanda

Hæfniskröfur

  • Sjúkraliða- eða félagsliðamenntun æskileg en ekki skilyrði
  • Faglegur metnaður og framúrskarandi samskiptahæfni skilyrði
  • Áhugi á starfi með geðsjúkum skilyrði
  • Reynsla af vinnu með geðsjúka einstaklinga æskileg en ekki skilyrði 
  • Menntun á uppeldis-, atferlis-, íþrótta- eða sálfræðisviði er æskileg en ekki skilyrði 

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað. 

Starfið er laust í nóvember 2021 eða eftir nánara samkomulagi. Umsókn fylgi náms- og starfsferilskrá ásamt starfsleyfi (ef við á) auk kynningarbréfs. 

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, Ráðgjafi/ stuðningsfulltrúi, sjúkraliði, félagsliði

Starfshlutfall er 80-100%

Umsóknarfrestur er til og með 25.10.2021

Nánari upplýsingar veitir

Sylvía Rós Bjarkadóttir - [email protected] - 620 1679

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira