Hoppa yfir valmynd
Kennsla og rannsóknirHöfuðborgarsvæðiðHáskóli Íslands

Rannsóknamaður í efnagreiningartækni

Rannsóknamaður í efnagreiningartækni

Kerfislíffræðisetur Háskóla Íslands (http://systemsbiology.hi.is) í samstarfi við Kerecis ehf. (www.kerecis.com) auglýsir eftir rannsóknamanni til að taka þátt í verkefni við efna- og lífefnagreiningar á sáragróanda. Við Kerfislíffræðisetur Háskóla Íslands eru stundaðar fjölþátta rannsóknir á efnaskiptasvari frumna við líffræðilegu áreiti. Kerecis ehf. er íslenskt líftæknifyrirtæki sem vinnur að þróun fiskroðs m.a. til notkunar við meðhöndlun sára.

Helstu verkefni og ábyrgð

Starfsmaðurinn mun starfa sem hluti af teymi sem einbeitir sér að auðkenningu á lífefnasamsetningu og lífvirkni Kerecis sárastoðefnis og áhrifum þess á sáragróanda. Starfsmaðurinn mun vinna sjálfstætt og hafa umsjón með uppsetningu/framkvæmd tilrauna og þróun á aðferðafræði sem miðar að auðkenningu lífefna með massagreini tengdum vökvaskiljunarbúnaði. Starfsmaðurinn mun einnig hafa ábyrgð á að staðfæra verkferla við greiningu lífefna úr lífsýnum og gagnaúrvinnslu því tengdu. Ráðið verður í starfið til eins árs í senn með möguleika á framlengingu um ár.

Hæfniskröfur

  • Umsækjendur skulu hafa lokið MSc eða Phd í sameindalíffræði/lífefnafræði/efnafræði eða skyldum greinum á seinustu 5 árum.
  • Haldgóð reynsla/þekking á frumu og/eða vefjarannsóknir.
  • Haldgóð reynsla/þekking á efnagreiningum með massagreini er kostur.
  • Forritunarkunnátta er kostur.
  • Staðfesting á rannsóknarstarfsemi í formi ritrýndra greina.
  • Góð enskukunnátta bæði í rituðu og töluðu máli.
  • Skipulagshæfileikar, framkvæmdagleði og agi til að vinna sjálfstætt.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Við ráðningu verður tekið tillit til fagþekkingar, meðmæla, rannsóknaráhuga og fyrri starfa.

Miðað er við að starfið hefjist í janúar 2022 en annars eftir samkomulagi.

Umsókninni skal fylgja kynnisbréf þar sem fram kemur hvað vekur áhuga umsækjanda á verkefninu og hvað umsækjandi hefur fram að færa við mótun og vinnslu þess. Kynnisbréfið skal ekki vera lengra en ein blaðsíða. Til viðbótar skal fylgja; i) ferilskrá, ii) afrit af prófskírteinum (grunnnám og framhaldsnám), iii) tvö umsagnarbréf og upplýsingar um hvernig má hafa samband við umsagnaraðila. 

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests. 

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands

Háskóli Íslands er gróskumikið þekkingarsamfélag og er fjölbreyttur og lifandi vinnustaður. Akademískt frelsi, fagmennska og jafnrétti eru gildi skólans og er mikið lagt upp úr sveigjanleika og þátttöku starfsmanna í uppbygginu náms og rannsókna við skólann. 

Á Verkfræði- og náttúruvísindasviði starfa um 400 manns við rannsóknir og kennslu á sviði verkfræði og náttúruvísinda. Starfsumhverfið er alþjóðlegt enda eykst sífellt hlutfall erlendra starfsmanna og nemenda við sviðið, en fjórðungur bæði starfsmanna og framhaldsnema eru erlendir. Á sviðinu eru um 2000 nemendur, þar af um fjórðungurinn framhaldsnemar. Verkfræði- og náttúruvísindasvið stærir sig af fjölbreytileika og umbótasinnuðu umhverfi þar sem þekkingaröflun og miðlun er í fyrirrúmi.

Starfshlutfall er 100%

Umsóknarfrestur er til og með 30.11.2021

Nánari upplýsingar veitir

Óttar Rolfsson - [email protected]

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira