Hoppa yfir valmynd
HeilbrigðisþjónustaVestfirðirHeilbrigðisstofnun Vestfjarða

Verkefnastjóri hjúkrunar á Patreksfirði

Verkefnastjóri hjúkrunar á Patreksfirði

Við óskum eftir að ráða verkefnastjóra hjúkrunar í 70 til 100% starf á Heilbrigðisstofnun Vestfjarða á Patreksfirði. Starfið hentar reynslumiklum hjúkrunarfræðingum og er einnig kjörið fyrir nýútskrifaða sem viljast öðlast fjölbreytta reynslu í alhliða hjúkrun. 

Heilbrigðisstofnun Vestfjarða er metnaðarfullur vinnustaður þar sem um 250 manns starfa á fjórum megin starfsstöðvum. Þar af eru rúmlega 40 starfsmenn á Patreksfirði á heilsugæslu, legudeild, endurhæfingu og rekstrardeild. Á stofnuninni er unnið markvisst að góðum starfsanda og lögð er áhersla á traust og jákvæðni í samskiptum. 

Helstu verkefni og ábyrgð

Störf verkefnastjóra hjúkrunar eru fjölbreytt og vinna þeir með breiðum skjólstæðingahópi. Verkefnastjóri mun hafa umsjón með heimahjúkrun og heilsueflandi móttökum. Á stöðinni eru þrír hjúkrunarfræðingar sem vinna saman í öflugu teymi á heilsugæslu og legudeild. 

Verkefnastjóri hjúkrunar sinnir einnig bakvöktum. 

Hæfniskröfur

  • Fullgilt hjúkrunarpróf og íslenskt starfsleyfi
  • Góð hæfni í mannlegum samskiptum
  • Sveigjanleiki og sjálfstæði í starfi
  • Faglegur metnaður
  • Ökuréttindi eru nauðsynleg

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Boðið er upp á góða aðlögun í upphafi starfs og aðstoð við öflun húsnæðis.  Æskilegt er að störf hefjist 1. janúar 2022 eða eftir nánara samkomulagi.

Patreksfjörður er mjög fjölskylduvænn staður, þar eru leikskóli, grunnskóli, tónlistarskóli og framhaldsskóli ásamt öflugu íþróttastarfi. Börn hafa mikið frelsi og tækifærin til útivistar eru allt í kring.

Margvísleg starfsemi er á svæðinu og næg atvinnutækifæri fyrir maka.

Umsókn skal fylgja starfsferilskrá ásamt kynningarbréfi þar sem gert er grein fyrir hæfni og áhuga á starfinu. Öllum umsóknum verður svarað þegar ákvörðun um ráðningu hefur verið tekin. Umsókn getur gilt í allt að 6 mánuði.

Starfshlutfall er 70-100%

Umsóknarfrestur er til og með 09.12.2021

Nánari upplýsingar veitir

Gerður Rán Freysdóttir - [email protected] - 450 4500

Hér er hægt að sækja um starfið

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira